Ku: Wangsa Susena, S.Pd.I.
Aya hiji keluarga resep kana olah raga, majar teh itung-itung ngalaksanakeun program pamarentah: “Mengolahragakan masyarakat dan memasyarakatkan olahraga” kitu bahasa urang Jakarta teamah.
Anapon olahraga nu dipikaresep ku eta keluarga teh nyaeta olah raga Badminton. Ampir tiap sore mulang kantor anak jeung bapa teh tara elat olah raga badminton istilah urang tonggohmah ‘nepak’. Kabeneran
‘kok-na geus rusak atuh kapaksa kudu meuli da peresediaan geus beak. Budakna nu kara kelas opat SD dititah meuli eta ‘kok’ ka Toko. Teu talangke eta budak teh dititahnamah. Kacaritakeun indit weh eta budak teh seja meuli kok tea, barang nepi ka toko si budak teh poho naon nu rek di beuli, bari semu nu bingung rek meuli naon si budak teh hulang-huleng,ningali kitu langsung ditanya ku nu boga toko teh:
”Bade meser naon jang?”.
“Euh…euh…meser naon nya pa..? abdi oge bingung hilap bade meser naon tadi teh..”ceuk si budak bari masih hulang-huleng keneh nginget-nginget kana panitah bapana.
“Haaar…..kumaha ari si ujang budak keneh tos limpeuran, jig …! Atuh taroskeun deui ka bapa ujang, meser naon kituh ?." Ceuk nu boga toko.
“Muhun ah…! kin nya pa … abdi bade naroskeun heula ka bapa abdi”. Ceuk si budak bari rek ngaleos,
Tapi teu kebat da kadenge aya sora tarik pisan:
“Koooook” horeng nu boga toko teh ngaluarkeun gas (hitut). Ngadenge nu disada, bari malik si budak tuluy nyarita:
”Muhun pa… muhun eta… abdi teh meser eta….!”.
“Meser naon ari ujang teh…? Meser hitut bapa…?”. Ceuk nu boga toko semu bingung.
”Muhun eta tadi nu di sada… abdi teh meser eta”. Ceuk si budak.
“Enya… sebutkeun atuh meuli naon ?”. Nu boga toko rada ambek asa diheureuyan.
“Muhun abdi teh bade meser ....koooook...” ceuk si budak
“Ohhh…! Sugan teh rek meuli hitut, ehm… dasar budak” nu boga toko teu loba nyarita.
Caaag.
Subang, 05052010
Anapon olahraga nu dipikaresep ku eta keluarga teh nyaeta olah raga Badminton. Ampir tiap sore mulang kantor anak jeung bapa teh tara elat olah raga badminton istilah urang tonggohmah ‘nepak’. Kabeneran
‘kok-na geus rusak atuh kapaksa kudu meuli da peresediaan geus beak. Budakna nu kara kelas opat SD dititah meuli eta ‘kok’ ka Toko. Teu talangke eta budak teh dititahnamah. Kacaritakeun indit weh eta budak teh seja meuli kok tea, barang nepi ka toko si budak teh poho naon nu rek di beuli, bari semu nu bingung rek meuli naon si budak teh hulang-huleng,ningali kitu langsung ditanya ku nu boga toko teh:
”Bade meser naon jang?”.
“Euh…euh…meser naon nya pa..? abdi oge bingung hilap bade meser naon tadi teh..”ceuk si budak bari masih hulang-huleng keneh nginget-nginget kana panitah bapana.
“Haaar…..kumaha ari si ujang budak keneh tos limpeuran, jig …! Atuh taroskeun deui ka bapa ujang, meser naon kituh ?." Ceuk nu boga toko.
“Muhun ah…! kin nya pa … abdi bade naroskeun heula ka bapa abdi”. Ceuk si budak bari rek ngaleos,
Tapi teu kebat da kadenge aya sora tarik pisan:
“Koooook” horeng nu boga toko teh ngaluarkeun gas (hitut). Ngadenge nu disada, bari malik si budak tuluy nyarita:
”Muhun pa… muhun eta… abdi teh meser eta….!”.
“Meser naon ari ujang teh…? Meser hitut bapa…?”. Ceuk nu boga toko semu bingung.
”Muhun eta tadi nu di sada… abdi teh meser eta”. Ceuk si budak.
“Enya… sebutkeun atuh meuli naon ?”. Nu boga toko rada ambek asa diheureuyan.
“Muhun abdi teh bade meser ....koooook...” ceuk si budak
“Ohhh…! Sugan teh rek meuli hitut, ehm… dasar budak” nu boga toko teu loba nyarita.
Caaag.
Subang, 05052010
Tidak ada komentar:
Posting Komentar