Ku: Wangsa Susena, S.Pd.I
Bulan Romadhon teh, bulan nu suci, bulan nu pinuh ku rohmat reujeung barokah. ceuk katerangan disebutkeun, yen dina bulan Romadhon teh dibagi jadi tilu babak, babak kahiji nyatana awal dina bulan Romadhon teh kaasup babak lungsurna Rohmat Allah, babak kaduana atawa pertengahan bulan Romadhon teh lungsurna Maghfiroh (Panghampura) Allah, jeung babak katilu atawa akhir bulan Romadhon kaasup kana lungsurna kamaha Murahan Allah, nyaeta ngabebaskeunana Allah ka hamba-hamba-Na nu dikersakeun ku Manten-Na tina seuneu naraka atawa disebat ku istilah basa Kanjeng Nabi s.a.w. mah 'Itqun-Minan-Naar.
Tah ku sabab awal bulan Romadhon teh kaasup lungsurna Rohmat Allah, maka kaayaan nu kasaksen jeung nu karasa ku urang sok ya bedana, mangga bae titenan !, masjid-masjid parinuh dina peuting awal bulan Romadhon ku kaum Muslimin nu seja nohonan sholat sunnah Tarowih kalayan berjama'ah. Nu biasana sholat Maghrib jeung 'Isya ukur sajajar paling lobana oge dua atawa tilu jajar, harita mah ngadadak jadi pinuh masjid ku jajaran jama'ah nu seja sholat berjama'ah.
Nu jadi sabab, nyaeta nu tadina mumul ka Masjid, ka Masigit, ka Langgar atawa ka Mushola teh harita mah dina peuting awal Romadhon ngadadak rasa mumul, males teh ilang sirna jadi daraek ngunggahanana. atuh isukna dina prungna poe mimiti ngajalankeun ibadah puasa, pasar-pasar nu ngajual kadaharan dadakan teh tarutup, kaasup warung-warung makan, restaurant jeung sajabana, ngadadak tarutup, da meureun ngahormat ka nu puasa di bulan Romadhon.
Ngan heuleut aya kana samingguna, mimiti kaayaan kitu teh rada robah deui, jama'ah sholat maghrib mimiti mulang kana kaayaan awal, masjid teh jadi ngalegaan deui, da jajaran jama'ahna ngorotan, atuh beurangna nu meunang saminggu tarutup, warung-warung makan geus mulai dibaruka deui bari ditutupan ku hordeng atawa ku spanduk urut, nu katingali ti luar teh ukur suku bae ngajejer ucang-ucang, Pasar-pasar, terminal rame deui malah katingalina asa lain bulan Romadhon kalah ka siga bulan syawal, sabab katingal nu ting kelenyun arudud, ih asa teu dosa bae ninggalkeun kawajiban puasa teh. meni bebas kitu. da mimiti asup kana babak kadua babak lungsurna Maghfiroh (Panghampura) Allah, gogoda teh mimiti jul-jol daratang,
Naha gogoda teh daratang ? apan cenah setan diborogod.. dina bulan Romadhon mah .. tapi naha aya keneh gogoda.?
Yeeh apan nafsu dina diri mah hentu di borogod, da hakekat puasa teh apan nahan diri tina gogoda hawa nafsu.. nu samemehna bulan romadhon datang mindeng sosobatan reujeung iblis atawa syetan, tah dina tepungna jeung bulan romadhon sanajan iblis syetan di borogod tapi da tadina mindeng sosobatan, atuh pasifatan kabiasaan goreng patut teh bakal aya keneh nempel, kukituna ulah aneh, gogoda mah tetep aya, komo gogoda nafsu mah apan aya dina jero diri ceuk basa nu palinter mah faktor 'internal'. jadi lain ti luar diri atawa faktor 'eksternal'. faktor ti jero diri ieu nu matak beurat ngalawanna mah... nu matak kanjeng Nabi s.a.w. basa tos mulang ti pangperangan, anjeunna ngadawuh:
"Urang ayeuna tos mulang ti peurang leutik, kiwari urang bakal nyanghareupan perang nu rongkah"
Shohabat naros:"Sanes nembean urang tos mulang ti perang Rongkah ..Ya Rosulullah ?"
Rasulullah ngadawuh deui: "Lain ..eta mah leutik.. tapi aya perang nu kacida rongkahna.."
Shohabat naros deui:.. manawi tiasa nguningakeun... naon perang nu rongkah ..teh ya Rosulullah ?"
Rosulullah Ngadawuh: "Nyaeta perang ngalawan hawa nafsu"
***
Aya kajadian nu matak pikaseurieun, hiji kulawarga tong disebutkeun aran jelema jeung aran kampungna mah bisi kaasup ghibah. aya hiji lalaki pagaweanana teh ngabecak isuk-isuk sakira jam dalapan manehna indit seja nyiar kifayah, majar nyiapkeun bekel keur bekel riyaya cenah. gejlig bae manehna teh indit saba'da pamit kanu jadi pamajikanana. Ngan memeh manehna indit pamajikanana nyarita:
"Kang kade jaga shaumna ulah dugi ka batal..ah ! pami cape- cape teuing mah langkung sae direureuhkeun .. omat ! ulah sapertos sasih Romadhon kamari .. akang mah meni cacap tutug sasasih teu shaum pisan.."
"Siap... nyai !.. amanat nyai seja diestokeun ku si kakang .. heheh " jawab eta lalaki bari mesam-mesem hahah heheh.. gumasep.
"Gandeng ... lah .. sok mangga enggalkeun angkat... bilih kabujeng panas siang teuing mah " tembal pamajikanana bari ngegebes.
Geus kitu mah indit bae manehna teh bari ngaboseh becana nuju ka pasar. ngan heuleut mangsa deudeukut ka wayah lohor, gurutak manehna teh datang deui bari semu nu lalieur, da mencetan sirah ku leungeunna. ningali kitu mah pamajikanana teh reuwaseun, bari norojol mapag, terus nyarita:
"Ku naon kang?..lebet angin nya.. sapertos nu lalieur kitu..? sok urang kerok atuh... ngan awas teu kenging buka shaumna... "
"Enya meureun ..akang asup angin.. ieu mani lieur pisan sirah teh.. sok atuh ...pangerokkeun..."Tembal eta lalaki
"Sok atuh urang kerok !" ceuk pamajikanana
geus kitu mah tuluy dikerok, ngan teu lila.. eta lalaki teh teu kuat meureun nahan ka-seueul,,, ngan borolo teh utah mani babalongkengan siga nu dikuras eusi beuteungna da kaluar kabeh. ngan pamajikanana katingali kerung siga nu manggih kaanehan, bari nyarita:
"Ke..ke ari akang teh masih shaum..?"
"Nya enya atuh... masih...piraku akang bohong" tembal eta lalaki
"Sanes... ! da raraosan mah... basa sahur ... abdi teh teu masak mie.... ?" ceuk pamajikanana
"Ari kitu ..kunaon..?"Ceuk eta lalaki ...malik nanya
"Eta ...heran ....naha bet utah akang mie wungkul...?"Ceuk pamajikanana...
"oh ..mie ieu mah ...sesa ..sahur tadi di pasar ... aeh...sahur kamari maksud teh "jawab eta lalaki bari rada kacaletot ngomong nu tungtungna katohyan ngaku puasa padahal henteu...
"Alah ...dasar...tukang bohong.. da ti mimiti awal puasa oge.. sahur teh tara masak mie .." tembal pamajikanana bari ngojengkang nahan ka keuheul.
Caaag.
Subang,04082010
Tah ku sabab awal bulan Romadhon teh kaasup lungsurna Rohmat Allah, maka kaayaan nu kasaksen jeung nu karasa ku urang sok ya bedana, mangga bae titenan !, masjid-masjid parinuh dina peuting awal bulan Romadhon ku kaum Muslimin nu seja nohonan sholat sunnah Tarowih kalayan berjama'ah. Nu biasana sholat Maghrib jeung 'Isya ukur sajajar paling lobana oge dua atawa tilu jajar, harita mah ngadadak jadi pinuh masjid ku jajaran jama'ah nu seja sholat berjama'ah.
Nu jadi sabab, nyaeta nu tadina mumul ka Masjid, ka Masigit, ka Langgar atawa ka Mushola teh harita mah dina peuting awal Romadhon ngadadak rasa mumul, males teh ilang sirna jadi daraek ngunggahanana. atuh isukna dina prungna poe mimiti ngajalankeun ibadah puasa, pasar-pasar nu ngajual kadaharan dadakan teh tarutup, kaasup warung-warung makan, restaurant jeung sajabana, ngadadak tarutup, da meureun ngahormat ka nu puasa di bulan Romadhon.
Ngan heuleut aya kana samingguna, mimiti kaayaan kitu teh rada robah deui, jama'ah sholat maghrib mimiti mulang kana kaayaan awal, masjid teh jadi ngalegaan deui, da jajaran jama'ahna ngorotan, atuh beurangna nu meunang saminggu tarutup, warung-warung makan geus mulai dibaruka deui bari ditutupan ku hordeng atawa ku spanduk urut, nu katingali ti luar teh ukur suku bae ngajejer ucang-ucang, Pasar-pasar, terminal rame deui malah katingalina asa lain bulan Romadhon kalah ka siga bulan syawal, sabab katingal nu ting kelenyun arudud, ih asa teu dosa bae ninggalkeun kawajiban puasa teh. meni bebas kitu. da mimiti asup kana babak kadua babak lungsurna Maghfiroh (Panghampura) Allah, gogoda teh mimiti jul-jol daratang,
Naha gogoda teh daratang ? apan cenah setan diborogod.. dina bulan Romadhon mah .. tapi naha aya keneh gogoda.?
Yeeh apan nafsu dina diri mah hentu di borogod, da hakekat puasa teh apan nahan diri tina gogoda hawa nafsu.. nu samemehna bulan romadhon datang mindeng sosobatan reujeung iblis atawa syetan, tah dina tepungna jeung bulan romadhon sanajan iblis syetan di borogod tapi da tadina mindeng sosobatan, atuh pasifatan kabiasaan goreng patut teh bakal aya keneh nempel, kukituna ulah aneh, gogoda mah tetep aya, komo gogoda nafsu mah apan aya dina jero diri ceuk basa nu palinter mah faktor 'internal'. jadi lain ti luar diri atawa faktor 'eksternal'. faktor ti jero diri ieu nu matak beurat ngalawanna mah... nu matak kanjeng Nabi s.a.w. basa tos mulang ti pangperangan, anjeunna ngadawuh:
"Urang ayeuna tos mulang ti peurang leutik, kiwari urang bakal nyanghareupan perang nu rongkah"
Shohabat naros:"Sanes nembean urang tos mulang ti perang Rongkah ..Ya Rosulullah ?"
Rasulullah ngadawuh deui: "Lain ..eta mah leutik.. tapi aya perang nu kacida rongkahna.."
Shohabat naros deui:.. manawi tiasa nguningakeun... naon perang nu rongkah ..teh ya Rosulullah ?"
Rosulullah Ngadawuh: "Nyaeta perang ngalawan hawa nafsu"
***
Aya kajadian nu matak pikaseurieun, hiji kulawarga tong disebutkeun aran jelema jeung aran kampungna mah bisi kaasup ghibah. aya hiji lalaki pagaweanana teh ngabecak isuk-isuk sakira jam dalapan manehna indit seja nyiar kifayah, majar nyiapkeun bekel keur bekel riyaya cenah. gejlig bae manehna teh indit saba'da pamit kanu jadi pamajikanana. Ngan memeh manehna indit pamajikanana nyarita:
"Kang kade jaga shaumna ulah dugi ka batal..ah ! pami cape- cape teuing mah langkung sae direureuhkeun .. omat ! ulah sapertos sasih Romadhon kamari .. akang mah meni cacap tutug sasasih teu shaum pisan.."
"Siap... nyai !.. amanat nyai seja diestokeun ku si kakang .. heheh " jawab eta lalaki bari mesam-mesem hahah heheh.. gumasep.
"Gandeng ... lah .. sok mangga enggalkeun angkat... bilih kabujeng panas siang teuing mah " tembal pamajikanana bari ngegebes.
Geus kitu mah indit bae manehna teh bari ngaboseh becana nuju ka pasar. ngan heuleut mangsa deudeukut ka wayah lohor, gurutak manehna teh datang deui bari semu nu lalieur, da mencetan sirah ku leungeunna. ningali kitu mah pamajikanana teh reuwaseun, bari norojol mapag, terus nyarita:
"Ku naon kang?..lebet angin nya.. sapertos nu lalieur kitu..? sok urang kerok atuh... ngan awas teu kenging buka shaumna... "
"Enya meureun ..akang asup angin.. ieu mani lieur pisan sirah teh.. sok atuh ...pangerokkeun..."Tembal eta lalaki
"Sok atuh urang kerok !" ceuk pamajikanana
geus kitu mah tuluy dikerok, ngan teu lila.. eta lalaki teh teu kuat meureun nahan ka-seueul,,, ngan borolo teh utah mani babalongkengan siga nu dikuras eusi beuteungna da kaluar kabeh. ngan pamajikanana katingali kerung siga nu manggih kaanehan, bari nyarita:
"Ke..ke ari akang teh masih shaum..?"
"Nya enya atuh... masih...piraku akang bohong" tembal eta lalaki
"Sanes... ! da raraosan mah... basa sahur ... abdi teh teu masak mie.... ?" ceuk pamajikanana
"Ari kitu ..kunaon..?"Ceuk eta lalaki ...malik nanya
"Eta ...heran ....naha bet utah akang mie wungkul...?"Ceuk pamajikanana...
"oh ..mie ieu mah ...sesa ..sahur tadi di pasar ... aeh...sahur kamari maksud teh "jawab eta lalaki bari rada kacaletot ngomong nu tungtungna katohyan ngaku puasa padahal henteu...
"Alah ...dasar...tukang bohong.. da ti mimiti awal puasa oge.. sahur teh tara masak mie .." tembal pamajikanana bari ngojengkang nahan ka keuheul.
Caaag.
Subang,04082010
Tidak ada komentar:
Posting Komentar