Ku: Wangsa Susena, S.Pd.I.
Itung-itung ngirit meuli deungeun sangu, kuring opatan geus ngarencanakeun rek mulung supa isuk-isuk rengse ngaji ba'da shubuh. da memang kudu isuk-isuk mulung supa su'ung mah, da ari kabeurangnakeun mah geus teu pati seger deui supa teh, kajaba ti eta mun beurang teuing geus pasti moal kabagean, da geus aya nu ngala. jadi pasosore ba'da Ashar kuring geus babadamian rek ngajugjug leuweung leutik nu aya di kiduleun pasantren.
Peutingna kabeneran aya lalajoan di nu hajatan di tatangga lembur, lumayan rada jauh ti pasantren mah, ceuk beja hajatan ngawinkeun, demi lalajoanana teh nyate layar tancep. Atuh ngaji ba'da isya teh teu khusyu', da hayang geura beres muru lalajo. Ari aturan pasantren kacida ngalarangna para santri pikeun lalajo teh, boh nu deukeut komo ieu jauh, terus mun seug aya lalajoan teh Mama Ajengan ngahajakeun ngawurukan ngaji kitab teh biasana ukur sa-bab, na ieu mah ditambahan jadi tilu bab. Samodel harita, atuh kuring opatan jadi elesekeng, geus teu puguh rarasaan, bari ningalian jam nu naplok dina tembok rohangan tempat ngaji. Najan lila-lila oge ngaji dina peuting eta, nya teu wudu rengse oge ngaji teh, tuluy kuring ngareret kana jam tembok alah geuningan geus jam sapuluh peuting. kakuping Mama Ajengan nyarios:
"Geus sakieu heula ngaji dina peuting ieu, Sok geura istirahat kaditu...! geura sarare, omat tong ka mana-mana ! komo mun lalajo mah, mun aya santri lalajo dina peuting ieu, ku Mama bakal ditajir dikeueum dina balong. ..geus sok kadaritu ..geura istirahat ! bisi kabeurangan sholat shubuh.." rengse nyarios kitu lajeng Mama Ajengan mah angkat kaluar ti rohangan.
"Manggaaaa....." ...saur manuk Kuring opatan jeung santri sejenna ngajawab. beres kitu mah langsung bur-ber asup ka kobong masing-masing.
"Kumaha euy ..! jadi lalajo teh ?", ceuk batur kuring ngharewos ka kuring.
"Duka atuh ..! cing tanyakeun ka barudak ! mun arek ..kuring mah hayu bae.." tembel kuring bari sarua haharewosan.
"Yeehh...dumuk nu sejen mah geus siap..tinggal ente ..arek moal..?" ceuk btur kuring ngaharewos deui
"Nya ..ari kitu mah ..hayu atuh..!"..ceuk kuring.
Geus kitu mah tuluy kuring opatan teh keketeyepan kalaluar ti kobong, da sieun aya nu manggihan, utamana mah bahaya mun kapanggih ku Lurah santri jeung nu kabagean piket peuting eta. Geus ngarasa jauh ti pasantren mah tuluy kuring opatan teh rada nyalse, bari gogonjakan laleumpang nuju ka tempat panglalajoan.
Teu kacatur dijalanna kuring opatan geus nepi, katingal palataran nu hajat meni geus meyud jelema lalaki jeung awewe, kolot jeung budak mani rame siga dipasar, nu dagang meni ngajejer di sisi jajalaneun gang nu nuju ka tempat raraema, kocapkeun kuring opatan tatahar neangan tempat nu merenah pikeun lalajo, geus manggih mah tuluy ngalampar koran meunang mekel hiji sewang, sarung dikongkoyangkeun kana taktak. barang geus rapih dariuk, ujug kuniang salah saurang batur kuring teh jol nguniang hudang, tuluy ngoloyong indit teuing rek indit kamana, kuring teu loba tatanya, ngan teu lila geus norojol datang deui bari ngasongkeun kulub suuk jeung cikopi dina palastik.
"Meunang ti mana ilaing euy..?" ceuk kuring nanya
"Geus lah loba tatanya teuing, da lain meunang maling ieu mah...eta meunang meuli didinya " tembal batur kuring bari tutunjuk ka nu dagang nu teu jauh ti tempat kuring opatan dariuk.
Nya geus kitu mah teu loba cacarita deui, kuring opatan bari ngadalahar kulub suuk bari panon mah manco ka film di layar nu geus dipaenkeun titatadi samemeh kuring datang. Geus aya tilu judulna kuring lalajo teh, ngareret ka babaturan aya nu geus lelenggutan nundutan, aya oge nu cenghar keneh bari manco lalajo ditambahi sungutna teu cicing ngomong ngomentaran eusi film siga sutradara. Celengkeung kuring ngomong, ngajak mulang:
"Hayu ah..! geus janari bisi kanyahoan, wayah kieu mah meujeuhna mama ajengan tahajud euy,..."
"Heueuh nya..kajongjonan teuing urang lalajo teh...hayu ah urang balik ..." tembal batur kuring.
Geus kitu mah kacaritakeun kuring baralik, bari leumpang gagaleongan da tunduh. Teu kacatur lalampahan mulang teh geus deukeut ka lebah pasantren, atuh keteyep deui kuring opatan teh keketeyepan siga mimiti rek mangkat lalajo, luak-lieuk culang cileung ngan untungna teh harita mah salamet euweuh nu manggihan. tuluy langsung asup ka jero kobong, guprak ngabeubeutkeun awak kana kasur lepet dijuru kobong, tuluy ngenyang sarung pikeun nyimbutan awak, ngan karek oge rek meureumkeun panon, celengkeun teh salah saurang batur kuring nu tiluan teh aya nu ngomong:
"Kade euy isuk... urang kudu jadi mulung supa teh, ulah nepi teu jadi kawas kamari.."
"Heueuh..deukkkhh..." Tembal kuring jeung dua batur kuring ampir bareng ngajawab. Geus kitu mah reup..bae kuring mah peureum teu inget nanaon da geus teu kaampeuh ku pitunduheun.
****
Isukna, rengse ngaji ba'da shubuh, kuring jeung nu duaan mah teu langsung ka kobong, kalah ngagaloler dirohangan ngaji sarare deui, da ngarasa tunduh keneh. Ari babaturan kuring nu saurang deui mah rengse ngaji teh tuluy teu ka kobong, Demi nu ngagoler sare di eta rohangan tempat ngaji teh. horeng lain kuring wungkul, kalebet Mama Ajengan ngiring ngagoler, Atuh mani ngajajar siga pidang meunang ngentep nu ngagoler harita teh. Ngan kituna teh teu Lila, sabab sare kuring harita kagareuwahkeun dampal suku kuring asa aya nu nyepak satakerna, bari kadenge aya sora nu ngomong semu sesentak:
"Harudaaaang ..siah ! dasar pangedulan...maraneh mah..di ajak mulung supa kalah ka sarare deui....hduang ...! hudang ..!"
Sihoreng batur kuring hiji deui nu tadi rengse ngaji teh tuluy teu ka kobong tea, tayohna mah jengkel meureun ngajak mulung supa ka kuring jeung batur kuring nu duaan teu jadi, da kuring kalah ka sarare deui. Ngan harita hayang seuri aya, jengkel aya, da kaigareuwahkeun. Heueuh ningali batur kuring nyepakan sakur nu ngagoler didinya kabeh oge disepakkan dampal sukuna ku manehna, kalebet Mama Ajengani, atuh ..kabeh oge tinggurubuk harudang bari tuluy nyararekan ka batur kuring.
hehehe... tah sakitu pamiarsa sadaya dongeng mulung supa teh...mangga ah mamanawian bahan katampi, mugia janten pangbeberah manah kangge nu keur susah manah, oge mugia janten panghibur kangge nu keur baringung kolbu.....caaag..perrrrrmiossssss
Subang, 27052010
Peutingna kabeneran aya lalajoan di nu hajatan di tatangga lembur, lumayan rada jauh ti pasantren mah, ceuk beja hajatan ngawinkeun, demi lalajoanana teh nyate layar tancep. Atuh ngaji ba'da isya teh teu khusyu', da hayang geura beres muru lalajo. Ari aturan pasantren kacida ngalarangna para santri pikeun lalajo teh, boh nu deukeut komo ieu jauh, terus mun seug aya lalajoan teh Mama Ajengan ngahajakeun ngawurukan ngaji kitab teh biasana ukur sa-bab, na ieu mah ditambahan jadi tilu bab. Samodel harita, atuh kuring opatan jadi elesekeng, geus teu puguh rarasaan, bari ningalian jam nu naplok dina tembok rohangan tempat ngaji. Najan lila-lila oge ngaji dina peuting eta, nya teu wudu rengse oge ngaji teh, tuluy kuring ngareret kana jam tembok alah geuningan geus jam sapuluh peuting. kakuping Mama Ajengan nyarios:
"Geus sakieu heula ngaji dina peuting ieu, Sok geura istirahat kaditu...! geura sarare, omat tong ka mana-mana ! komo mun lalajo mah, mun aya santri lalajo dina peuting ieu, ku Mama bakal ditajir dikeueum dina balong. ..geus sok kadaritu ..geura istirahat ! bisi kabeurangan sholat shubuh.." rengse nyarios kitu lajeng Mama Ajengan mah angkat kaluar ti rohangan.
"Manggaaaa....." ...saur manuk Kuring opatan jeung santri sejenna ngajawab. beres kitu mah langsung bur-ber asup ka kobong masing-masing.
"Kumaha euy ..! jadi lalajo teh ?", ceuk batur kuring ngharewos ka kuring.
"Duka atuh ..! cing tanyakeun ka barudak ! mun arek ..kuring mah hayu bae.." tembel kuring bari sarua haharewosan.
"Yeehh...dumuk nu sejen mah geus siap..tinggal ente ..arek moal..?" ceuk btur kuring ngaharewos deui
"Nya ..ari kitu mah ..hayu atuh..!"..ceuk kuring.
Geus kitu mah tuluy kuring opatan teh keketeyepan kalaluar ti kobong, da sieun aya nu manggihan, utamana mah bahaya mun kapanggih ku Lurah santri jeung nu kabagean piket peuting eta. Geus ngarasa jauh ti pasantren mah tuluy kuring opatan teh rada nyalse, bari gogonjakan laleumpang nuju ka tempat panglalajoan.
Teu kacatur dijalanna kuring opatan geus nepi, katingal palataran nu hajat meni geus meyud jelema lalaki jeung awewe, kolot jeung budak mani rame siga dipasar, nu dagang meni ngajejer di sisi jajalaneun gang nu nuju ka tempat raraema, kocapkeun kuring opatan tatahar neangan tempat nu merenah pikeun lalajo, geus manggih mah tuluy ngalampar koran meunang mekel hiji sewang, sarung dikongkoyangkeun kana taktak. barang geus rapih dariuk, ujug kuniang salah saurang batur kuring teh jol nguniang hudang, tuluy ngoloyong indit teuing rek indit kamana, kuring teu loba tatanya, ngan teu lila geus norojol datang deui bari ngasongkeun kulub suuk jeung cikopi dina palastik.
"Meunang ti mana ilaing euy..?" ceuk kuring nanya
"Geus lah loba tatanya teuing, da lain meunang maling ieu mah...eta meunang meuli didinya " tembal batur kuring bari tutunjuk ka nu dagang nu teu jauh ti tempat kuring opatan dariuk.
Nya geus kitu mah teu loba cacarita deui, kuring opatan bari ngadalahar kulub suuk bari panon mah manco ka film di layar nu geus dipaenkeun titatadi samemeh kuring datang. Geus aya tilu judulna kuring lalajo teh, ngareret ka babaturan aya nu geus lelenggutan nundutan, aya oge nu cenghar keneh bari manco lalajo ditambahi sungutna teu cicing ngomong ngomentaran eusi film siga sutradara. Celengkeung kuring ngomong, ngajak mulang:
"Hayu ah..! geus janari bisi kanyahoan, wayah kieu mah meujeuhna mama ajengan tahajud euy,..."
"Heueuh nya..kajongjonan teuing urang lalajo teh...hayu ah urang balik ..." tembal batur kuring.
Geus kitu mah kacaritakeun kuring baralik, bari leumpang gagaleongan da tunduh. Teu kacatur lalampahan mulang teh geus deukeut ka lebah pasantren, atuh keteyep deui kuring opatan teh keketeyepan siga mimiti rek mangkat lalajo, luak-lieuk culang cileung ngan untungna teh harita mah salamet euweuh nu manggihan. tuluy langsung asup ka jero kobong, guprak ngabeubeutkeun awak kana kasur lepet dijuru kobong, tuluy ngenyang sarung pikeun nyimbutan awak, ngan karek oge rek meureumkeun panon, celengkeun teh salah saurang batur kuring nu tiluan teh aya nu ngomong:
"Kade euy isuk... urang kudu jadi mulung supa teh, ulah nepi teu jadi kawas kamari.."
"Heueuh..deukkkhh..." Tembal kuring jeung dua batur kuring ampir bareng ngajawab. Geus kitu mah reup..bae kuring mah peureum teu inget nanaon da geus teu kaampeuh ku pitunduheun.
****
Isukna, rengse ngaji ba'da shubuh, kuring jeung nu duaan mah teu langsung ka kobong, kalah ngagaloler dirohangan ngaji sarare deui, da ngarasa tunduh keneh. Ari babaturan kuring nu saurang deui mah rengse ngaji teh tuluy teu ka kobong, Demi nu ngagoler sare di eta rohangan tempat ngaji teh. horeng lain kuring wungkul, kalebet Mama Ajengan ngiring ngagoler, Atuh mani ngajajar siga pidang meunang ngentep nu ngagoler harita teh. Ngan kituna teh teu Lila, sabab sare kuring harita kagareuwahkeun dampal suku kuring asa aya nu nyepak satakerna, bari kadenge aya sora nu ngomong semu sesentak:
"Harudaaaang ..siah ! dasar pangedulan...maraneh mah..di ajak mulung supa kalah ka sarare deui....hduang ...! hudang ..!"
Sihoreng batur kuring hiji deui nu tadi rengse ngaji teh tuluy teu ka kobong tea, tayohna mah jengkel meureun ngajak mulung supa ka kuring jeung batur kuring nu duaan teu jadi, da kuring kalah ka sarare deui. Ngan harita hayang seuri aya, jengkel aya, da kaigareuwahkeun. Heueuh ningali batur kuring nyepakan sakur nu ngagoler didinya kabeh oge disepakkan dampal sukuna ku manehna, kalebet Mama Ajengani, atuh ..kabeh oge tinggurubuk harudang bari tuluy nyararekan ka batur kuring.
hehehe... tah sakitu pamiarsa sadaya dongeng mulung supa teh...mangga ah mamanawian bahan katampi, mugia janten pangbeberah manah kangge nu keur susah manah, oge mugia janten panghibur kangge nu keur baringung kolbu.....caaag..perrrrrmiossssss
Subang, 27052010
Tidak ada komentar:
Posting Komentar