oleh Wangsa Urang Subang Pituin pada 3 Agustus 2011 jam 5:23
Dina kitab 'Zubdatul Wa'idin, di caritakeun:
Tos nyarios Jabir bin Abdullah R.A.:
Hiji mangsa Kami sasarengan sareng Rasululloh S.A.W. keur uplek kami ngobrol,torjol teh datang hiji tangtungan lalaki nu duka ti mana datangna, beungeutna kacida kasepna, Rambutna rapi, pakeanana sarwa bodas, tuluy manehna uluk salam, rengse uluk salam tuluy manehna ngajukeun sababaraha pertanyaan, ngan aneh, sabab manehna nu nanya, manehna nu ngajawab:
"Naon nu disebut dunya ?" Ceuk manehna ngamimitan nanya.
"Dunya teh mangrupakeun impianana jalma nu sare" .Jawabna.
"Naon ari nu disebut Akherat?". Ceuk manehna nanya deui.
"Akherat teh nyaeta hiji alam nu dibagi jadi dua tempat, hiji tempat ngaranna sawarga, sedengkeun nu hiji deui ngaranna Naraka". Jawabna.
Rengse kitu Manehna teh nanya deui "Naon nu disebut sawarga ?"
Ku Manehna di jawab : "Sawarga teh nyaeta hiji tempat minangka gaganti alam dunya pikeun nu ninggalkeunana, sabab sawarga teh minangka tempat pikeun jalma nu ngaleupaskeun haliah kadunyaan "
Tuluy manehna nanya deui, ku pertanyaan: "Naon nu disebut Naraka ?"
"Naraka nyaeta hiji patempatan minangka gaganti pikeun jalma nu anut miturut bari taluk ka dunya, jeung jalma nu lalai ka temah wadi oge ka Allah”. Jawabna.
Manehna nanya deui : "Naon nu disebut kahadean.?"
"Kahadean teh nyaeta hiji lampah nu mawa kana kataatan ka Allah” . Jawabna.
"Kumaha sikep manusa ka dunya ?". Manehna nanya deui.
"Maranehna salawasna beberes siga jalma nu keur ngudag hiji rombongan nu keur ngayakeun lalampahan jauh". Jawabna.
Tuluy manehna ngajukeun deui pertanyaan: "Sabaraha lila cicing di alam dunya ?"
"Maranehna cicing salila jalma nu katinggaleun tutumpakan (kandaraan)". Jawabna.
" Sabaraha lila lalampahan antara dunya jeung akherat?". Ceuk manehna ngajukeun deui pertanyaan nu panungtungan.
"lir sakerejep panon". Jawabna.
Sanggeus kitu manehna indit tanpa bekas, ilang tanpa karana, taya tapak saeutik oge ayana jalma nu datang.
Lajeng Rasulullah S.A.W. ngadawuh: " Tah kitu jalma nu miluruh harti kalayan ngajawab ku pribadina, tuluy indit tanpa tapak ilang tanpa karana, yeuh Jabir ! eta teh Malaikat Jibril, inyana datang pikeun mere iber sangkan anjeun ngajauhan (tong kokomoan teuing) kana haliyah duniawiyah. tapi anjeun kudu leuwih ngadeukeutkeun diri kana lampah kaakheratan".
Walloohu A'lam Bish-Showaab.
Subang,03082011
Tidak ada komentar:
Posting Komentar