7 Saksi

Ku: Wangsa Susena, S.Pd.I.

Bakal jadi saksi urang jaga dipayuneun Allah Malikurrohman, dina mangsa Hisab lumangsung, nyaeta nlika urang diperedih pertanggungjawaban ngeunaan laku lampah kahirupan salila di alam dunya.

Nu kahiji, Malaikat. Sakumaha Dawuhan Allah:

".....WAL MALAA'IKATU YASYHADUUN" (.... Jeung para malaikat bakal mere kasaksian).

Nu Kadua, Bumi. Sakumaha Dawuhan Allah:

"WA QOOLAL-INSAANU MAA LAAHAA, YAUMA'IDZIN TUHADDITSU AKHBAROHAA.." (Jeung Manusa bakal nyarita: Naha geuningan bumi teh bet jadi kieu ?, sabab dina poe harita Bumi ngembarkeun kabar-kabarna).

Nu katilu, waktu jeung nu Kaopat Letah. Sakumaha Dawuhan Allah:

'YAUMA TASYHADU 'ALAIHIM ALSINATUHUN" (Dina poean dimana letah-letah maranehna mere kasaksian kana amal laku lampah maranehna).

Nu Kalima, Anggauta Badan. Sukamaha Dawuhan Allah:

"ALYAUMA NAKHTIMU 'ALAA AFWAAHIHIM, WA TUKALIMUNAA AIDIHIM, WA TASYHADU ARJULUHUM BIMAA KAANUU YAKSIBUUN" (Dina poe ieu Kami ngonci sungut-sungut mranehna, jeung bakal ngomong ka Kami leungeun-leungeun maranehna, oge bakal mere kasaksian ka Kami suku-suku maranehna kana naon-naon nu geus dipilampah ku maranehna).

NuKagenep, Dua Malaikat nu salilana marengan manusa 'kirooman kaatibiin' nyaeta Roqob jeung Atid, Sakumaha Dawuhan Allah:

"WA INNAA 'ALAIKUM LAHAAFIDZIIN, KIROOMAN KAATIBIN" (sok padahala pikeun maraneh kabeh teh aya malaikat nu salawasna ngawaskeun (lampah maraneh), nu mulia disagedengeun Allah jeung nya maranehna nu nyatet sagala lakuning lampah maraneh).

Nu Katujuh, Kitab catetan Amal. Sakumaha Dawuhan Allah:

"HADZAA KITAABUNAA YANTHIQU 'ALAIKUM BIL-HAQQI" (Ieu kitab Kami ngaromong ngeunaan maraneh kalayan haq)"

Caag

Subang, 26052010