Ku: Wangsa Susena, S.Pd.I.
"Jero tah ..papatah teh ..kuring mah asa muringkak bulu tuur..aeh..bulu punduk maksud teh" Ceuk tatangga nu norojol datang
"Jero teh ..jero naon ...?...datang-datang jol jero bae...emangna ngagali sumur maneh teh ?..jeung make muringkak bulu punduk sagala ....emang panggih jeung jurig dimana ..maneh teh ?" ceuk Kuring
"Yeehh....! ilaing mah ...sok kamana karep ngomong teh...eta kuring mah tadi ngadenge di Masigit bari ngaliwat kadieu ustadz keur ngisi pangajian, sederhana tah pangajian teh tapi ngeuna..",walon tatangga kuring, bari terus ngajelaskeun maksud caritana tadi.
"Emang naon nya papatah na teh..." ceuk kuring malik nanya
"Eta ustadz teh kadenge nyaritakeun hiji hadits, ngan teuing hadits sumberna ti mana kuring teupati ngaregepkeun, ngan kadengena teh eta Hadtis sumpingna ti Sayyidina 'Ali bin Abi Thalib"..tembal tatangga kuring
"Terus kumaha tah cenah eusina, kami jadi panasaran hayang ngadenge..."ceuk kuring rada panasaran bari tuluy nitah ka manehna sangkan nyaritakeun pamanggihna tadi.
"Kieu ..nu kadenge ku kami mah " walon tatangga kuring bari gek diuk hareupeun kuring dina shofa nu aya di tepas imah, tuluy kadenge manehna nuluykeun caritana: "..Tah..! .eta ustadz teh tadi nyaritakeun yen Sayyidina Ali Bin Abi Thalib ra. nyarios:
Nalika kami jeung sabagian para shahabat keur ngariung sasarengan Rosulullah s.a.w. torojol aya nu datang badegana Abdullah bin Salam, demi kadatanganana taya kajaba unjukan bari neda pitulung ka Rosulullah supados sumping ka imahna Abdullah bin Salam nu ceuk eta badega teh kaayaan Abdullah bin Salam keur gering parna, karepna ngulem ka Rasulullah s.a.w teh pikeun amitan da ningali kaayaanana tos ripuh sa hos-hoseun rek maot. Nya diulem kitu Rasulullah s.a.w. lajeng ngadeg tuluy ngajak ka kami jeung para shahabat sejenna pikeun nohonan pangangkir Abdulah bin Salam tea sakalian jeung ngalongok.
Barang tos nepi ka imahna Abdullah bin Salam lajeng Rasulullah s.a.w. uluk salam teras nyaketan ka Abdullah bin Salam nu keur ngagoler teu walakaya da gering parna. katingali Rasulullah nyarios bari ditompokeun kana ceuli beulah katuhuna Abdullah bin Salam nu kaayaanana keur sakaratul maut, kakuping Rasulullah S.A.W. dadawuh:
"Sok Ucapkeun ku anjeun...! Asyhadu Anlaa Ilaaha Illallloh, Wa Asyhadu Anna Muhammadan 'Abduhu Wa Rosuluh...!" kituna teh Rasulullah s.a.w. dugi ka tilu kalina, tapi tetep katingalina Abdullah bin Salam mugen ngabetem teu nurut kana naon nu dipiwarang ku Rasulullah s.aw. Ningali kaayaan kitu, kakuping Rasulullah s.a.w. dadawuh deui:
"Laa haula wa laa quwwata Illaa billaahil 'Aliyyil 'Adziim..naon nu geus dipilampah ku shahabat kami Abdullah bin Salam nepi ka kieu teh .?...coba ..anjeun Bilal !.jung .. kaditu tepungan pamajikan Abdullah bin Salam tanyakeun naon kitu ..nu geus dipilampah Abdillah bin Salam nepi ka hese ngucapkeun dua kalimah syahadat kieu..."
Dipiwarang kitu ku Rasulullah s.a.w. teu talangke harese, langsung Bilal nepungan pamajikanana Abdullah bin Salam pikeun nepikeun patarosan Rasulullah s.a.w. barang geus tepung jeung pamajikanana Abdullah bin Salam tuluy bae Bilal nepikeun patarosan Rasulullah s.a.w.tadi. tuluy dijawab ku pamajikanana Abdillah bin Salam:
"Duka atuh ..abdi oge teu terangl, da sakaterang mah mah, saprak anjeunna ngahiji ngawangun rumah tangga sareng abdi teu acan kantos ningali anjeunna ngantunkeun sholat berjama'ah sasarengen sareng Rasulullah s.a.w. oge teu acan kantos ningali anjeunna dina kahirupan sadidintenna tara elat kana ngaluarkeun sodaqoh, tapi memang abdi kantos nguping ti anjeunna nyalira nyarios, yen anjeunna teh teu kenging ridho ti nu janten ibuna ...."
Geus meunang jawaban kitu mah, tuluy Bilal teh laporan ka Rasulullah s.a.w. bari ngadugikeun naon-naon nu dicaritakeun ku pamajikanana Abdullah bin Salam. nguping kana laporan Bilal kitu lajeng Rasulullah s.a.w. miwarang Bilal kangge nepungan Indungna Abdullah bin Salam sangkan datang ka payuneun Rasulullah s.a.w. nya dipiwarang kitu koloyong deui Bilal teh nepungan Indungna Abdullah bin Salam, ngan teu lila norojol deui, bari laporan ka Rasulullah s.a.w. yen indungna Abdullah bin Salam teh teu daekeun nohonan kana uleman Rasulullah s.a.w. kalah kedal carita yen manehna teu ridho dunya akherat ka Abdullah bin Salam kulantaran pamolah Abdullah bin Salam nu geus ngajaheutkeun hate nu jadi indungna eta.
Lajeng Rasulullah s.a.w. miwarang Umar jeung Kami (Sayyidina Ali) pikeun ngolo indungna Abdullah bin Salam sangkan datang nohonan pangulem Rasulullah s.a.w. nya ari ku dipaksa-paksa teuing mah, eta indungna Abdullah bin Salam teh daekkeun oge nohonan pangangkirna Rasulullah s.a.w.
Barang geus nepi ka payuneun Rasulullah s.a.w. indungna Abdullah bin Salam teh ngadeukeutan ka Abdullah bin Salam bari kadenge nyarita:
"Yeuuhhh ! anak kami Abdullah ! kami teu ngahalalkeun hak kami pikeun anjeun, jeung kami tetep teu mikaridho anjeun dunya akherat"..
Ningali kitu lajeng Rasulullah s.a.w. dadawuh:
"Yeuhh...ibu...! tong tega kitu, anggur mah sok geura ridhoan anak anjeun, geura bebaskeun tina sagala tungtutan anjeun ka manehna, hampura sagala dosana nu geus ngajadikeun raheutna hate anjeun ku manehna....!"
"Ya Rasulullah ! .." kadenge Indungna Abdullah bin Salam ngajawab: "bade kumaha abdi ridho ka manehna, sedengkeun manehna teh nya anak abdi ieu...parantos neunggeul abdi, ngusir abdi kulantaran pamajikanana, oge manehna teh tos nganyeyeri hate abdi ku pamolah jeung talajakna ..."
Nguping kitu, Rasulullah s.a.w. langsung ngadawuh:."Nya enggeus, lamun kitu mah kami nyokot hak anjeun pikeun anak anjeun ! sok ayeuna geura hampura anak anjeun abdullah bin salam, prak ridhoan ku anjeun, jeung bebaskeun tina sagala tungtutan anjeun ku akibat pamolah jeung talajakna nu salila ieu nganyenyeuri ka anjeun salaku indungna..."
"Nya mangga atuh ..pami kitu mah ..ya Rasulullah !"..ceuk indungna Abdullah bin Salam, "saksian ku sadayana kalebet anjeun ya Rasulullah ...! abdi tos ngaridhoan pun anak, sareng abdi ngabebaskeun sagala tungtutan abdi ka manehna nu geus nganyenyeri ka abdi...."
Tos kitu mah lajeng Rasululllah s.a.w. katingali dadawuh deui bari ditompokeun kana ceuli beulah katuhuna Abdullah bin Salam nyaeta miwarang Abdullah bin Salam ngucapkeun dua kalimah syahadat, nu satuluyna kalayan idzin Allah Abdullah bin Salam bisa ngucapkeun dua kalimah syahadat eta bari ngelupaskeun nyawa tina ragana. geus kitu mah, nya tuluy Abdullah bin Salam teh layonna dipulasara kalayan sampurna.
Sarengsena mulasara Abdullah bin Salam lajeng Rasulullah s.a.w. ngadeg, teras ngadawuh:
"Yeuhhh...! Umat kami ...! sing saha diantara aranjeun nu teu ngabakti ka indung-indung aranjeun, komo bari nganyenyeri, maka aranjeun bakal kaluar ti ieu dunya kalayan tanpa syahadat..."
"Tah kitu euy...carita eta ustadz teh..."..ceuk tatangga kuring mungkas caritaanana, bari tuluy ngodongkang nyokot cai nu aya di luhureun meja, tuluy diinum ku manehna.
"Oh.....kitu..."...tembal kuring, bari hate mah noroweco:
"Duh Gusti...! hapunten jisim abdi tina samudayaning dosa-dosa jisim abdi, dosa ibu rama jisim abdi. Duh Gusti pikawelas, pikaasih aranjeunna sakumaha aranjeunna mikawelas, mikaasih ka jisim abdi ti kawit jisim abdi alit dugi ka sapertos kieu ayeuna...nu memang jisim abdi teuacan tiasa mulang tarima kana jasa-jasa aranjeunna...Amin ya Alloh Ya Robbal 'Aalamin..."
Caaaag
Subang, 24052010
"Jero teh ..jero naon ...?...datang-datang jol jero bae...emangna ngagali sumur maneh teh ?..jeung make muringkak bulu punduk sagala ....emang panggih jeung jurig dimana ..maneh teh ?" ceuk Kuring
"Yeehh....! ilaing mah ...sok kamana karep ngomong teh...eta kuring mah tadi ngadenge di Masigit bari ngaliwat kadieu ustadz keur ngisi pangajian, sederhana tah pangajian teh tapi ngeuna..",walon tatangga kuring, bari terus ngajelaskeun maksud caritana tadi.
"Emang naon nya papatah na teh..." ceuk kuring malik nanya
"Eta ustadz teh kadenge nyaritakeun hiji hadits, ngan teuing hadits sumberna ti mana kuring teupati ngaregepkeun, ngan kadengena teh eta Hadtis sumpingna ti Sayyidina 'Ali bin Abi Thalib"..tembal tatangga kuring
"Terus kumaha tah cenah eusina, kami jadi panasaran hayang ngadenge..."ceuk kuring rada panasaran bari tuluy nitah ka manehna sangkan nyaritakeun pamanggihna tadi.
"Kieu ..nu kadenge ku kami mah " walon tatangga kuring bari gek diuk hareupeun kuring dina shofa nu aya di tepas imah, tuluy kadenge manehna nuluykeun caritana: "..Tah..! .eta ustadz teh tadi nyaritakeun yen Sayyidina Ali Bin Abi Thalib ra. nyarios:
Nalika kami jeung sabagian para shahabat keur ngariung sasarengan Rosulullah s.a.w. torojol aya nu datang badegana Abdullah bin Salam, demi kadatanganana taya kajaba unjukan bari neda pitulung ka Rosulullah supados sumping ka imahna Abdullah bin Salam nu ceuk eta badega teh kaayaan Abdullah bin Salam keur gering parna, karepna ngulem ka Rasulullah s.a.w teh pikeun amitan da ningali kaayaanana tos ripuh sa hos-hoseun rek maot. Nya diulem kitu Rasulullah s.a.w. lajeng ngadeg tuluy ngajak ka kami jeung para shahabat sejenna pikeun nohonan pangangkir Abdulah bin Salam tea sakalian jeung ngalongok.
Barang tos nepi ka imahna Abdullah bin Salam lajeng Rasulullah s.a.w. uluk salam teras nyaketan ka Abdullah bin Salam nu keur ngagoler teu walakaya da gering parna. katingali Rasulullah nyarios bari ditompokeun kana ceuli beulah katuhuna Abdullah bin Salam nu kaayaanana keur sakaratul maut, kakuping Rasulullah S.A.W. dadawuh:
"Sok Ucapkeun ku anjeun...! Asyhadu Anlaa Ilaaha Illallloh, Wa Asyhadu Anna Muhammadan 'Abduhu Wa Rosuluh...!" kituna teh Rasulullah s.a.w. dugi ka tilu kalina, tapi tetep katingalina Abdullah bin Salam mugen ngabetem teu nurut kana naon nu dipiwarang ku Rasulullah s.aw. Ningali kaayaan kitu, kakuping Rasulullah s.a.w. dadawuh deui:
"Laa haula wa laa quwwata Illaa billaahil 'Aliyyil 'Adziim..naon nu geus dipilampah ku shahabat kami Abdullah bin Salam nepi ka kieu teh .?...coba ..anjeun Bilal !.jung .. kaditu tepungan pamajikan Abdullah bin Salam tanyakeun naon kitu ..nu geus dipilampah Abdillah bin Salam nepi ka hese ngucapkeun dua kalimah syahadat kieu..."
Dipiwarang kitu ku Rasulullah s.a.w. teu talangke harese, langsung Bilal nepungan pamajikanana Abdullah bin Salam pikeun nepikeun patarosan Rasulullah s.a.w. barang geus tepung jeung pamajikanana Abdullah bin Salam tuluy bae Bilal nepikeun patarosan Rasulullah s.a.w.tadi. tuluy dijawab ku pamajikanana Abdillah bin Salam:
"Duka atuh ..abdi oge teu terangl, da sakaterang mah mah, saprak anjeunna ngahiji ngawangun rumah tangga sareng abdi teu acan kantos ningali anjeunna ngantunkeun sholat berjama'ah sasarengen sareng Rasulullah s.a.w. oge teu acan kantos ningali anjeunna dina kahirupan sadidintenna tara elat kana ngaluarkeun sodaqoh, tapi memang abdi kantos nguping ti anjeunna nyalira nyarios, yen anjeunna teh teu kenging ridho ti nu janten ibuna ...."
Geus meunang jawaban kitu mah, tuluy Bilal teh laporan ka Rasulullah s.a.w. bari ngadugikeun naon-naon nu dicaritakeun ku pamajikanana Abdullah bin Salam. nguping kana laporan Bilal kitu lajeng Rasulullah s.a.w. miwarang Bilal kangge nepungan Indungna Abdullah bin Salam sangkan datang ka payuneun Rasulullah s.a.w. nya dipiwarang kitu koloyong deui Bilal teh nepungan Indungna Abdullah bin Salam, ngan teu lila norojol deui, bari laporan ka Rasulullah s.a.w. yen indungna Abdullah bin Salam teh teu daekeun nohonan kana uleman Rasulullah s.a.w. kalah kedal carita yen manehna teu ridho dunya akherat ka Abdullah bin Salam kulantaran pamolah Abdullah bin Salam nu geus ngajaheutkeun hate nu jadi indungna eta.
Lajeng Rasulullah s.a.w. miwarang Umar jeung Kami (Sayyidina Ali) pikeun ngolo indungna Abdullah bin Salam sangkan datang nohonan pangulem Rasulullah s.a.w. nya ari ku dipaksa-paksa teuing mah, eta indungna Abdullah bin Salam teh daekkeun oge nohonan pangangkirna Rasulullah s.a.w.
Barang geus nepi ka payuneun Rasulullah s.a.w. indungna Abdullah bin Salam teh ngadeukeutan ka Abdullah bin Salam bari kadenge nyarita:
"Yeuuhhh ! anak kami Abdullah ! kami teu ngahalalkeun hak kami pikeun anjeun, jeung kami tetep teu mikaridho anjeun dunya akherat"..
Ningali kitu lajeng Rasulullah s.a.w. dadawuh:
"Yeuhh...ibu...! tong tega kitu, anggur mah sok geura ridhoan anak anjeun, geura bebaskeun tina sagala tungtutan anjeun ka manehna, hampura sagala dosana nu geus ngajadikeun raheutna hate anjeun ku manehna....!"
"Ya Rasulullah ! .." kadenge Indungna Abdullah bin Salam ngajawab: "bade kumaha abdi ridho ka manehna, sedengkeun manehna teh nya anak abdi ieu...parantos neunggeul abdi, ngusir abdi kulantaran pamajikanana, oge manehna teh tos nganyeyeri hate abdi ku pamolah jeung talajakna ..."
Nguping kitu, Rasulullah s.a.w. langsung ngadawuh:."Nya enggeus, lamun kitu mah kami nyokot hak anjeun pikeun anak anjeun ! sok ayeuna geura hampura anak anjeun abdullah bin salam, prak ridhoan ku anjeun, jeung bebaskeun tina sagala tungtutan anjeun ku akibat pamolah jeung talajakna nu salila ieu nganyenyeuri ka anjeun salaku indungna..."
"Nya mangga atuh ..pami kitu mah ..ya Rasulullah !"..ceuk indungna Abdullah bin Salam, "saksian ku sadayana kalebet anjeun ya Rasulullah ...! abdi tos ngaridhoan pun anak, sareng abdi ngabebaskeun sagala tungtutan abdi ka manehna nu geus nganyenyeri ka abdi...."
Tos kitu mah lajeng Rasululllah s.a.w. katingali dadawuh deui bari ditompokeun kana ceuli beulah katuhuna Abdullah bin Salam nyaeta miwarang Abdullah bin Salam ngucapkeun dua kalimah syahadat, nu satuluyna kalayan idzin Allah Abdullah bin Salam bisa ngucapkeun dua kalimah syahadat eta bari ngelupaskeun nyawa tina ragana. geus kitu mah, nya tuluy Abdullah bin Salam teh layonna dipulasara kalayan sampurna.
Sarengsena mulasara Abdullah bin Salam lajeng Rasulullah s.a.w. ngadeg, teras ngadawuh:
"Yeuhhh...! Umat kami ...! sing saha diantara aranjeun nu teu ngabakti ka indung-indung aranjeun, komo bari nganyenyeri, maka aranjeun bakal kaluar ti ieu dunya kalayan tanpa syahadat..."
"Tah kitu euy...carita eta ustadz teh..."..ceuk tatangga kuring mungkas caritaanana, bari tuluy ngodongkang nyokot cai nu aya di luhureun meja, tuluy diinum ku manehna.
"Oh.....kitu..."...tembal kuring, bari hate mah noroweco:
"Duh Gusti...! hapunten jisim abdi tina samudayaning dosa-dosa jisim abdi, dosa ibu rama jisim abdi. Duh Gusti pikawelas, pikaasih aranjeunna sakumaha aranjeunna mikawelas, mikaasih ka jisim abdi ti kawit jisim abdi alit dugi ka sapertos kieu ayeuna...nu memang jisim abdi teuacan tiasa mulang tarima kana jasa-jasa aranjeunna...Amin ya Alloh Ya Robbal 'Aalamin..."
Caaaag
Subang, 24052010
Tidak ada komentar:
Posting Komentar