Ku: Wangsa Susena, S.Pd.I.
Kacaritakeun nu maling sanggeus ngacak-ngacak tengah imah teu manggihan nanaon..bus bae ka kamarna Manga Adeng..luak-lieuk ningali aya lomari nu ngajugrug nu nutup pageuh. Tuluy eta maling teh ngedeukeutan eta lomari, barang geus deukeut tuluy lomari teh dibuka, barang bray dibuka, gebeg teh eta maling teh ngarenjag siga nu reuwas, bari kadenge nyarita rada nyentak:
“Ku naon maneh bet nyumput di jero lomari ? hayoh geuwat kaluar siah !“Ceuk Nu Maling.
Mang Adeng, bari kaluar ti jero lomari, tuluy ngajawab: “Sabab kuring teh era ku maneh, euy...”
“Naha Bet era .. lain sieun ....siah,,ka aing ? “ Ceuk Nu Maling.
“Yeeeh..na make sieun sagala, kuring mah lain sieun nyumput di jero lomari soteh, kuring teh era pisan ku maneh, sabab di imah kuring euweuh nanaon pisan, jadi tibatan nembongan ka maneh bari euweuh bereeun jeung maneh engkena , mendingan nyumput..” ceuk Mang Adang/
Nu Maling : “Har..........???????????”
*****
Dina peuting nu sejenna, geus kajadian deui di imah Mang Adeng teh aya jalma nu rek maling, ayeuna mah kabeneran Mang Adengna keur euweuh, nya anteng atuh maling teh kukulatrak kurah-koreh, sagala diguar-guarkeun, diacak-acak, ngan katingali siga nu bingung, sabab geus lila kukulatrak acan manggih nanaon, muka lomari sarua teu manggih nanaon, terus ka tempat sejen tetep teu manggih nanaon, ngahuleng manehna teh rurat-reret ningali aya kotak tuluy kurah-koreh kana eta kotak, barang keur anteng ngorehan kotak, taktakna aya nu nepak ti tukang, sihoreng Mang Adeng geus asup aya dijero bari ngabedega tuluyi kadenge Mang Adeng nyarita:
"Keur neangan naon..maneh euy..?....kacape-cape, boro-boro maneh ayeuna kurah-koreh ti peuting kieu bari jeung poek, najan ti beurang ge kuring teu manggih naon-naon..didieu teh...",
Nu Maling:..???????????
Caag
Subang, 03052010.
Tidak ada komentar:
Posting Komentar