Risalah Adab (tatak rama) Susuci

Ku: Wangsa Susena, S.Pd.I.

Nalika urang rengse susuci tinakahampangan atanapi miceun hajat, maka nu kudu dilakukeun satuluyna nyaetaabdas/wudhu. sabab Rasulullah s.a.w. tiap-tiap kaluar ti jamban Anjeunna taraleupas tina wudhu. tah kabiasaan Kanjeng Nabi s.a.w. malihan kalebet sunahnyaeta anjeunna nyiwak/ngagosok waosna. hal ieu dumasar kana dawuhan Rasulullohs.aw.:

لَوْ لاَ أَنْأَشُقَّ عَلَى أُمَّتِيْ لَأَ مَرْتُهُمْ بَالسِّوَاكِ عِنْدَ كُلِّ صَلاَةٍ (رواهمتفق عليه عن أبى هريرة)

"Mun seug henteu sieunngabeuratkeun ka Umat Kami, tanwande kami marentahkeun siwak dina saban-sabanrek ngalakukeun shalat" (H.R. Mutafaqun 'Alaih ti Abu Hurairah r.a.)

Ngeunaan tata cara siwak, kanjeng Nabi s.a.w. maparin conto ku ngagunakeunkayu 'arok, mun ayeuna mah geus moderen bisa make pasta gigi kalayan dibantuanku alat nu disebut sikat. Ari inti tujuan tina siwak/ngagosok waos nyaetapikeun ngaleungitkeun bau baham sareng kokotor nu nyelap atawa nempel dina waos.
ٍ
Sarengsena urang nyiwak teras urang ngedalkeun niat (mangga badedilafadzkeun atanapi henteu eta mah teu langkung) da nu penting mah ayana niatseja susuci/abdas/wudhu. teras ngaos Basmallah  bariditeraskeun ngadu'a:

بِسْمِ اللهِالرَّحْمَنِ الرَّحِيْمِ أللَّهُمَّ إِنِّيْ أَعُوْذُبِكَ مِنْ هَمَزَاتِالشَّيَاطِيْنِ وَأَعُوْذُبِكَ رَبِّيْ أَنْ يَحْضُرُوْنَ

"Kalayan  nyebat asma Alloh Nu Maha Welas tur Maha Asih, Ya Alloh abdi nyalindung ka Anjeun Gusti tina harewosna Syetan-syetan oge abdi nyalindung ka Anjeun Gusti tina datangna gogoda maranehna (syetan-syetan)"

Rengsekitu tuluy urang ngawasuh dua pangan urang, bari ngadua:

أَللَّهُمَّ إِنِّيْ أَسْأَلُكَ الْيُمْنَى وَالْبَرَكَةِ وَ أَعُوْذُبِكَ مِنَ الشُّؤْمِوَالْهَلَكَةِ

"Ya Alloh saestuna abdi sadaya nyuhunkeun ka Anjeun Gusti !  kabagjaan oge kaberkahan sareng abdi nyalindung ka Anjeun Gusti tina kagorengan/apes diri sareng karusakan"

rengse urang ngawasuh panangan diteraskeun kekemu tilu kali, bari disarengan ku ngado'a:

أَللَّهُمَّ أَعِنِّيْ عَلَى تِلاَوَتِكَ وَكَثْرَةِ الذِّكْرِكَ

"Yaa Alloh ! abdi nyuhun pitulung ka Anjeun Gusti ! dina ngaos kitab Anjeun Gusti. Oge abdi nyuhunkeun pitulung ka Anjeun Gusti ! dina nyeueurkeun dzikir ka Anjeun Gusti"

Rengse urang kekemu, diteraskeun istinsyaq (nyeuseup cai kana pangambung) atanapi ngawasuh pangambung tilu kali bari disarengan ngadu'a:

أَللَّهُمَّ أَوْ جِدْلِيْ رَائِحَةَ الْجَنَّةِ  وَأَنْتَ عَنِّيْ رَاضٍ

"Ya Alloh ! mugia abdi nyangking hawa seungitna sawarga oge mugia Anjeun Gusti Ridho ka abdi "

masih dina istinsyaq (nyeuseup cai kana pangambung) teras nalika ngaluarkeun eta cai tina pangambung 3 kali, bari urang ngadu'a:

أَللَّهُمَّ إِنِّيْ أَعُوْذُبِكَ مِنْ رَوَائِحِ النَّارِ وَمِنْ سُوْءِ الدَّارِ

"Ya Alloh ! saestuna abdi nyalindung ka Anjeun Gusti tina hawa bauna naraka sareng abdi nyalindung ka Anjeun Gusti tina panggoreng-gorengna patempatan (naraka)"

Rengse kitu diteraskeun urang ngawasuh raray 3 kali bari disarengan ku ngadu'a:

أَللَّهُمَّ بَيِّضْوَجْهِيْ بِنُوْرِكَ يَوْمَ تَبْيَضُّ وُجُوْهُ أَوْلِيَآءِكَ وَلاَ تُسَوِّدْوَجْهِيْ بِظَلَمَاتِكَ يَوْمَ تَسْوَدُّ وُجُوْهُ أَعْدَاءِكَ

"Ya Alloh ! bodaskeun cahaya raray abdi kalayan cahaya Anjeun Gusti, dina poean raray-raray para kakasih Anjeun Gusti barodas cahayaan, sareng poma Anjeun Gusti henteu ngahideungkeun raray  abdi dina poean raray-raray musuh-musuh Anjeun Gusti hideung geuneuk maleukmeuk"

Hanca
Subang, 22082010