Ku: Wangsa Susena, S.Pd.I.
Rasulullah S.A.W. ngadawuh: "kabeh umat kami bakal asup ka sawarga, kajaba nu embung. Sing saha jalmana nu ta'at ka kami, maka manehna bakal asup ka eta sawarga, jeung sing saha jalmana nu nukang nonggong ka kami, maka eta kaasup jalma nu embung (asup ka sawarga)" .(H.R. Imam Bukhari).
Sawarga teh hiji tempat nu tos dicawiskeun ku Allah S.W.T pikeun manusa-manusa nu salami ta'at, nurut tumut kana sagala parentah Manten-Na oge Rasul-rasul-Na. sawarga teh ayana jaga di alam akherat di alam langgeng abadi nu teu aya tungtungna. nu kaayaanana geus digambarkeun ku Ayat-Ayat Allah dina Al-Qur'an oge ku Hadits-Hadits Rosulullah S.A.W. yen sawarga teh hiji tempat nu pinuh ku kani'matan, nu kanikmatanana teh tujuh tikel ti kanikmatan dunya.
Sawarga teh legana, salega langit jeung bumi (il. Q.S. Al-Hadid:21), dijerona loba tatangkalan jeung bungbuahan (il. Q.S.Ar-Rahman: 54,68 jeung Q.S. Al-Waqiah : 28,29,32 -33). salian ti eta oge dihandapna aya walungan nu caina cur-cor ditambah gedong-gedong nu sigrong lir karaton (il. Q.S. Al-Furqon:10). oge dijerona sadia singgasana-singgasana tina emas jeung permata nu bakal diiderkeun pikeun manusa nu bakal jadi pangeusina ..gelas inuman tina cinyusu nu bodas nu pikangeunaheun pikeun nu ngarinumna, nu teu matak lieur oge mabok, salian ti eta oge bakal disampakkeun widadari nu gareulis nu bakal satia satuhu marengan nu arendah panonna. (il. Q.S. Ash-shooffat: 44-48, Q.S. Al-Waqi'ah: 15 jeung Q.S. Ar-Rahman;72 oge Q.S. Ad-dukhan :54). masih seueur ayat-ayat Al-Qur'an nu ngaguar gambaran kaayaan sawarga.
Lain wungkul gambaran kaayaan sawarga , malahan aran-aran sawarga oge disebutkeun, kaasup tingkatan/darajat eta sawarga tur saha bae nu bakal jadi calon pangeusi pikeun nempatanana. tah sapalih katerangan nyebatkeun:
Nu Kahiji, nyaeta Sawarga Firdaus (Jannatul Firdaus). sawarga ieu teh didamel ku Allah tina emas beureum. calon pangeusina nyaeta pikeun jalma-jalma nu khusu' dina shalatna oge ngajaga ngariksa kana waktu-waktu sholat, ngajauhkeun diri tina laku lampah gaflah, nohonan kana kawajiban zakat, ngaraksa kana kahurmatan diri, miara bari ngajaga amanah, tara jalir kana jangji. (il. Q.S. Al-Mukminun: 1-11).
Nu kadua, nyaeta Sawarga Adn (Jannatul 'Adn), sawarga ieu teh didamel ku Allah tina inten bodas, calon pangeusina nyaeta pikeun jalma-jalma nu taqwa ka Allah (il. Q.S. an-Nahl: 30-31). oge jalma-jalma nu ariman jeung nu salawasna ngalkonan amal sholeh (il. Q.S. Thaha: 75-76). kaasup oge jalma nu ngalakukeun kahadean (il. Q.S. Fathir: 32-33). oge jalma nu sabar, nu nganafakahkeun hartana di jalan Allah oge jalma nu ngawales kajahatan ti nu lian ku kahadean (il. Q.S. Ar-Ro'du: 22-23).
Nu Katilu, Nyaeta Sawarga Na'im (Jannatun-Na'iim) sawarga ieu didamel ku Allah tina perak bodas, calon pangeusina nyaeta pikeun jalma-jalma nu bener-bener taqwa ka Allah tur milampah amal sholeh (il. Q.S. Al-Qolam:34, Q.S. Luqman: 8, Q.S. Yunus: 9 jeung Al-Haj : 56)
Nu Kaopat, nyaeta sawarga Ma'wa (jannatul Ma'wa) sawarga ieu didamel ku Allah tina jamrud hejo, calon pangeusina nyaeta pikeun jalma-jalma nu taqwa ka Allah (il. Q.S. AN-Najm: 15) milampah amal sholeh (il. Q.S. As-Sajdah: 19) oge nu sieun ka Allah tur ngajaga hawa nafsuna (il. Q.S. An-Nazi'at: 27)
Nu Kalima, nyaeta sawarga Daarussalam (Jannatud-Daarus-Salaam) sawarga ieu didamel tina Yaqut beureum, calon pangeusina nyaeta pikeun jalma-jalma nu kuat iman sareng islamna, kacida merhatoskeun kana Ayat-ayat Allah sarta salawasna milampah amal sholeh (il. Q.S. Al-An'am: 27
Nu Kagenep nyaeta sawarga Darul Muqomah (jannatud-Daarul Muqoomah) sawarga ieu didamel ku Allah tina batu Permata bodas, calon pangeusina nyaeta pikeun jalma-jalma nu kuat kana nyepeng kaislamanana. loba ngalakukeun kahadean ka sasama, jeung jarang ngalakukeun kasalahan oge kajahatan
Nu katujuh nyaeta sawarga Al-Maqamul Amin (Jannatul Maqoomul Amin) sawarga ieu didamel ku Allah tina batu permata bodas, calon pangeusina nyaeta pikeun jalma-jalma nu taqwa (il. Q.S. Ad-Dukhan: 51).
Nu kadalapan nyaeta sawarga khuldi (jannatul Khuldi) sawarga ieu didamel ku Allah tina Marjan beureum jeung koneng, calon pangeusina nyaeta pikeun jalma-jalma nu salawasna ngalaksanakeun parentah Allah oge nebihan sagala larangan Manten-Na (il. Q.S. Al-Furqan: 15).
Eta sapalih katerangan nu ngauningakeun gambaran kaayaan sawarga, tingkatan/darajatna oge saha nu bakal jadi pangeusina.
Mugia urang sadaya kalebet golongan nu janten ahli sawarga. amin .
Walohu A'lam Bish-showaab
Subang, 10052010.
Sawarga teh hiji tempat nu tos dicawiskeun ku Allah S.W.T pikeun manusa-manusa nu salami ta'at, nurut tumut kana sagala parentah Manten-Na oge Rasul-rasul-Na. sawarga teh ayana jaga di alam akherat di alam langgeng abadi nu teu aya tungtungna. nu kaayaanana geus digambarkeun ku Ayat-Ayat Allah dina Al-Qur'an oge ku Hadits-Hadits Rosulullah S.A.W. yen sawarga teh hiji tempat nu pinuh ku kani'matan, nu kanikmatanana teh tujuh tikel ti kanikmatan dunya.
Sawarga teh legana, salega langit jeung bumi (il. Q.S. Al-Hadid:21), dijerona loba tatangkalan jeung bungbuahan (il. Q.S.Ar-Rahman: 54,68 jeung Q.S. Al-Waqiah : 28,29,32 -33). salian ti eta oge dihandapna aya walungan nu caina cur-cor ditambah gedong-gedong nu sigrong lir karaton (il. Q.S. Al-Furqon:10). oge dijerona sadia singgasana-singgasana tina emas jeung permata nu bakal diiderkeun pikeun manusa nu bakal jadi pangeusina ..gelas inuman tina cinyusu nu bodas nu pikangeunaheun pikeun nu ngarinumna, nu teu matak lieur oge mabok, salian ti eta oge bakal disampakkeun widadari nu gareulis nu bakal satia satuhu marengan nu arendah panonna. (il. Q.S. Ash-shooffat: 44-48, Q.S. Al-Waqi'ah: 15 jeung Q.S. Ar-Rahman;72 oge Q.S. Ad-dukhan :54). masih seueur ayat-ayat Al-Qur'an nu ngaguar gambaran kaayaan sawarga.
Lain wungkul gambaran kaayaan sawarga , malahan aran-aran sawarga oge disebutkeun, kaasup tingkatan/darajat eta sawarga tur saha bae nu bakal jadi calon pangeusi pikeun nempatanana. tah sapalih katerangan nyebatkeun:
Nu Kahiji, nyaeta Sawarga Firdaus (Jannatul Firdaus). sawarga ieu teh didamel ku Allah tina emas beureum. calon pangeusina nyaeta pikeun jalma-jalma nu khusu' dina shalatna oge ngajaga ngariksa kana waktu-waktu sholat, ngajauhkeun diri tina laku lampah gaflah, nohonan kana kawajiban zakat, ngaraksa kana kahurmatan diri, miara bari ngajaga amanah, tara jalir kana jangji. (il. Q.S. Al-Mukminun: 1-11).
Nu kadua, nyaeta Sawarga Adn (Jannatul 'Adn), sawarga ieu teh didamel ku Allah tina inten bodas, calon pangeusina nyaeta pikeun jalma-jalma nu taqwa ka Allah (il. Q.S. an-Nahl: 30-31). oge jalma-jalma nu ariman jeung nu salawasna ngalkonan amal sholeh (il. Q.S. Thaha: 75-76). kaasup oge jalma nu ngalakukeun kahadean (il. Q.S. Fathir: 32-33). oge jalma nu sabar, nu nganafakahkeun hartana di jalan Allah oge jalma nu ngawales kajahatan ti nu lian ku kahadean (il. Q.S. Ar-Ro'du: 22-23).
Nu Katilu, Nyaeta Sawarga Na'im (Jannatun-Na'iim) sawarga ieu didamel ku Allah tina perak bodas, calon pangeusina nyaeta pikeun jalma-jalma nu bener-bener taqwa ka Allah tur milampah amal sholeh (il. Q.S. Al-Qolam:34, Q.S. Luqman: 8, Q.S. Yunus: 9 jeung Al-Haj : 56)
Nu Kaopat, nyaeta sawarga Ma'wa (jannatul Ma'wa) sawarga ieu didamel ku Allah tina jamrud hejo, calon pangeusina nyaeta pikeun jalma-jalma nu taqwa ka Allah (il. Q.S. AN-Najm: 15) milampah amal sholeh (il. Q.S. As-Sajdah: 19) oge nu sieun ka Allah tur ngajaga hawa nafsuna (il. Q.S. An-Nazi'at: 27)
Nu Kalima, nyaeta sawarga Daarussalam (Jannatud-Daarus-Salaam) sawarga ieu didamel tina Yaqut beureum, calon pangeusina nyaeta pikeun jalma-jalma nu kuat iman sareng islamna, kacida merhatoskeun kana Ayat-ayat Allah sarta salawasna milampah amal sholeh (il. Q.S. Al-An'am: 27
Nu Kagenep nyaeta sawarga Darul Muqomah (jannatud-Daarul Muqoomah) sawarga ieu didamel ku Allah tina batu Permata bodas, calon pangeusina nyaeta pikeun jalma-jalma nu kuat kana nyepeng kaislamanana. loba ngalakukeun kahadean ka sasama, jeung jarang ngalakukeun kasalahan oge kajahatan
Nu katujuh nyaeta sawarga Al-Maqamul Amin (Jannatul Maqoomul Amin) sawarga ieu didamel ku Allah tina batu permata bodas, calon pangeusina nyaeta pikeun jalma-jalma nu taqwa (il. Q.S. Ad-Dukhan: 51).
Nu kadalapan nyaeta sawarga khuldi (jannatul Khuldi) sawarga ieu didamel ku Allah tina Marjan beureum jeung koneng, calon pangeusina nyaeta pikeun jalma-jalma nu salawasna ngalaksanakeun parentah Allah oge nebihan sagala larangan Manten-Na (il. Q.S. Al-Furqan: 15).
Eta sapalih katerangan nu ngauningakeun gambaran kaayaan sawarga, tingkatan/darajatna oge saha nu bakal jadi pangeusina.
Mugia urang sadaya kalebet golongan nu janten ahli sawarga. amin .
Walohu A'lam Bish-showaab
Subang, 10052010.
Tidak ada komentar:
Posting Komentar