Beu '....!

Ku: Wangsa Susena, S.Pd.I

Harita kuring tiluan teh niat mah seja nyaba ka ibukota nagara nyeta kota Jakarta, kabeneran keur poe pere tina kuliahan. Ti mimiti naek mobil nepi ka harita pas nepi ka padalarang, teuing bau nanaon ngan bauna teh siga endog buruk, peledek-deui peledek deui siga nu terus mimilu.

"Ngobrol atuh euy...kos nu teu wawuh bae..." ceuk si Ajat ngamimitian muka obrolan ..nu memang ti mimiti naek eta mobil beus nepi ka pasar padalarang harita, gawe teh pabetem-betem.

"Lah boro-boro hayang ngobrol ..ieu ngararasakeun sirah lieur oge meni ka teu paruguh kieu..ieu teh" walon si Tata

"Heueuh ..paingan lalampahan teh jauh keneh .." ceuk kuring mairan.

"karek nepi ka mana ieu teh ?.." tanya si ajat

"Karek oge nepi ka padalarang ." tembal kuring "lain euy ! ari arilaing ...ngarambeu ..heunteu euy " tambah kuring

"Heueuh ..sugan teh kuring wungkul nu ngambeu teh ...bau naon atuh nya ti mimiti naek eta bau teh ..ngan mimilu bae.." tembal si Tata "jadi tambah lieur kana sirah ..." tambah si tata

"Lah bau naon ..? urang mah teu ngambeu titatadi oge..."ceuk si Ajat

"Heueuh da irung maneh mah mangpet AJat....sakieu bauna oge...." Ceuk kuring

"Heueuh si eta mah irungna madet ku korong meureun .." si Tata mairan

Geus kitu mah jep deui jarempe. teu lila katingali si Ajat ngorejat kadennge nyarita:

"Aya plastik keresek teu ..euy ?"

"Rek ngawadahan naon ..maneh ajat ?" tembal si tata

"Heueuh ...rak pake naon atuh ..euy ?" kuring mairan

"Lah..pokona geuwat ..aya teu eta keresek..dewek geus teu katahan yeuh...!" ceuk si Ajat...bari katempo leungeun katuhuna nyekelan angen tuluy pindah mencettan sirah, kesang renung dina tarangna, ditambh kadenge teurab bae...tayohna mah hayang utah da mabok numpak mobil meureun.

"tahan atuh jat..! era ..siah ..ma enya rek utah mah.." ceuk kuring

"heueuh ...na make mabok atuh..!..jeung ieu bau endog buruk ,,geus kaambeu deui bae...boa-boa titadi oge maneh Ajat nu ngawejus .teh...?" ceuk si tata

"Minggeus tong gandeng ..geura menta keresek ...teu tahan pisan yeuh..." tembal si ajat, bari tetep nyekelan angen siga nu teu tahan nahan ka seueul, katingali manehna nangtung tuluy diuk deui kana jok mobil...siga nu teu puh cicing

"heueuh kamana neanganana atuh..?" ceuk kuring

"Heueuh ..jeung piraku atuh ..mahasiswa mabok..?" walon si tata

"Yeehhh...henteu budak TK ..henteu mahasiswa ..siah..ari mabok numpak mobil mah....enggeus lah..geuwat pangneangankeun keresek....atuh ...euy !"...ceuk si Ajat semu keuheul.

Keur kaayaan riweuh kitu, da eta mah si ajat langsung ngalaan kancing bajuna nepi ka buka satengah dada, tuluy leungeunna metot kaos jerona, lep teh manehna ngalalelepkeun sirahna kana eta jero kaos, ngan borolo-borolo teh ..si AJat utah dina jero kaos.

"Beu' .... dasar..si ajat....eta kalakuan...nepi ka kitu.."

Subang, 13052010