Ku: Wangsa Susena, S.Pd.I.
“Ti mana sumberna ieu opat cai walungan téh ? jeung ka mana ieu cai walungan téh ngocorna ?”. Dawuh Kanjeng Nabi S.A.W. naros Ka Malaikat Jibril A.S., nalika anjeunna ningali aya opat walungan dina sajeroning lalampahan Isra’ sareng Mi’raj. Anjeunna ningali aya opat walungan, nu kahiji walungan cai biasa, nu kadua walungan cai susu, nu katilu walungan cai khamer, jeung nu kaopat nyaéta walungan cai madu.
Ditaros kitu kitu ku kanjeng Nabi S.A.W., lajeng Malaikat Jibril A.S. ngawaler: “ Ya Rasulullah ! cai ti ieu opat walungan téh sadayana ngocor nuju ka talaga Kautsar, ngan upami ti mana sumberna ieu opat cai walungan wallohu a’lam, saéna mah mangga baé ku salira taros langsung ka Allah…!”
Teu lami torojol aya salah saurang Malaikat sumping ka payuneun Kanjeng Nabi S.A.W. sareng Malaikat Jibril A.S. bari teras nyarios:
“Mangga peureumkeun soca salira Ya Rasulullah !”
Dipiwarang kitu, teu talangké lajeng Kanjeng Nabi S.A.W. reup anjeunna meureumkeun socana, teu lami anjeunna dipiwarang ngabeuntakeun deui socana ku malaikat nu tadi miwarang peureum tea, tos kitu mah bréh katingali ku Rasulullah S.A.W. kaayaan sareng di tempat nu bénten sareng tadi, anjeunna aya dihiji tempat, nu di tempat éta téh anjeunna aya disagédéngeun hiji tatangkalan nu disisina aya hiji imah gedong sigrong nu didamel tina mutiara bodas, lawang pantona tina yaqut héjo sedengkeun koncina tina emas beureum. Mun seug alam dunya katut saeusina di simpen di luhureun imah gedong éta, maka bakal katingali lir ibarat hiji manuk anu eunteup di luhur gunung atawa éta dunya téh lir ibarat hiji endog nu gogolétakan di saluhureun imah gedong éta ku sabab saking lega-legana.
Lajeng Kanjeng Nabi S.A.W. rarat-rérét nitenan ka sabudeureun eta tempat, bréh katingali ku anjeunna, dihandapeun éta gedong sigrong téh cur-cor cai opat walungan nu caina ngagolontor, persis sami sareng opat walungan nu tadi nu ku anjeunna ditaroskeun ka Malaikat Jibril A.S. saparantos Kanjeng Nabi S.A.W. ningalian bari nitenan kaayaan sabudeureun gedong sigrong éta ti beh luar, lajeng anjeunna niat seja ngantunkeun éta patempatan, ngan teu kebat da aya salah saurang Malaikat nu ngawagel bari ka kuping nyauran:
“Ya Rasulullah ! hapunten sun ! saena teu kénging angkat heula ti ieu tempat ! margi salira kedah ngalebetan heula eta gedong, supados patarosan salira ka Malikat Jibril janten kawaler !”
“Kumaha kami asupna, sedengkeun ieu gedong téh apanan dikonci pageuh“ Dawuh Rasulullah S.A.W.
“Apan koncina aya di salira .. ! “ Jawab Malikat nu tadi miwarang lebet ka Rasulullah S.A.W.
“Naon kitu koncina ..?” Dawuh Rasulullah S.A.W.
“Mangga prak aos ku salira kalimah “Bismillaahirrahmaanirrahiim”..insyaalloh kalayan idzin Manten-Na bakal muka éta lawang panto gedong téh ! “ jawab éta Malaikat deui.
Diwartosan kitu, lajeng Kanjeng Nabi S.A.W. ngaos kalimah “Bismillaahirrahmaanirrahiim” leres baé kalayan idzin Allah éta lawang panto gedong téh dadak sakala langsung muka nyalira tanpa kudu dibukakeun ku panangan Kanjeng Nabi S.A.W. saparantosna muka kitu mah, atuh lajeng bae Kanjeng Nabi S.A.W. teh lebet ka éta gedong, barang tos di lebet Kanjeng Nabi S.A.W. ningali opat juru éta gedong téh nu ngagolontorkeun cai nu brasna kai walungan-walungan nu persis sami sapertos nu ditaroskeun ka Malaikat Jibril A.S. téa.
Nya saparantos réngsé ningalian lebetan éta gedong mah lajeng Kanjeng Nabi S.A.W. seja kaluar ti éta gedong da asa tos kawaler naon anu janten kapanasaran teh, ngan teu kebat deui bae, da malaikat nu tadi miwarang lebet téh ngawagel deui, bari teras eta malaikat teh nuduhkeun hiji perkara nu teu acan katiténan ku Kanjeng Nabi S.A.W. salian ti antara opat juru éta gedong. Teras Kanjeng Nabi S.A.W. ningali nu dituduhkeun ku Malaikat, breh katingali ku Kanjeng Nabi S.A.W. geuningan dina tiap-tiap éta juru gedong nu mangrupakeun sumber kokocoran cai opat walungan téa téh, dilihureunanana ngajeblag aya seratan kalimah ‘Bismillaahirrahmaanirrahiim’.
Katingali sumber walungan cai biasa ngocor tina huruf ‘Mim’-na lafadz ‘Bismi’ tina kalimah ‘Bismillahirrahmaanirrahiim’. Terus sumber walungan cai susu katingali ngocor tina huruf ‘Ha’-na lafadz Asma ‘Allah’ tina kalimah ‘Bismillahirrahmaanirrahiim’. Sedengkeun sumber walungan cai khomer katingali ngocor tina huruf ‘Mim’-na Lafadz ‘Arrahmaan’ tina kalimah ‘Bismillahirrahmaanirrahiim’. Sareng sumber walungan cai madu katingali ngocor tina huruf ‘Mim’-na lafadz ‘Arrahiim’ tina kalimah ‘Bismillahirrahmaanirrahiim’. Ku hal ieu pisan, maka patarosan Rasulullah S.A.W. ka Malaikat Jibril A.S. téh kawaler.
Réngsé Rasululullah S.A.W. ningalian lebetan éta gedong, kakuping Allah S.W.T. ngadawuh:
“Yeuh Muhammad ! Sing saha baé jalmana di antara umat anjeun nu ngalobakeun nyebut-nyebut Kami kalayan asma-asma ieu (Bismillahirrahmaanirraahiim) maka ku Kami bakal dibéré nginum tina opat cai walungan ieu”
Walloohu A’lam Bish-Showaab
(Dicutat tina kitab Misykatul Anwar).
Subang, 11052010.
Ditaros kitu kitu ku kanjeng Nabi S.A.W., lajeng Malaikat Jibril A.S. ngawaler: “ Ya Rasulullah ! cai ti ieu opat walungan téh sadayana ngocor nuju ka talaga Kautsar, ngan upami ti mana sumberna ieu opat cai walungan wallohu a’lam, saéna mah mangga baé ku salira taros langsung ka Allah…!”
Teu lami torojol aya salah saurang Malaikat sumping ka payuneun Kanjeng Nabi S.A.W. sareng Malaikat Jibril A.S. bari teras nyarios:
“Mangga peureumkeun soca salira Ya Rasulullah !”
Dipiwarang kitu, teu talangké lajeng Kanjeng Nabi S.A.W. reup anjeunna meureumkeun socana, teu lami anjeunna dipiwarang ngabeuntakeun deui socana ku malaikat nu tadi miwarang peureum tea, tos kitu mah bréh katingali ku Rasulullah S.A.W. kaayaan sareng di tempat nu bénten sareng tadi, anjeunna aya dihiji tempat, nu di tempat éta téh anjeunna aya disagédéngeun hiji tatangkalan nu disisina aya hiji imah gedong sigrong nu didamel tina mutiara bodas, lawang pantona tina yaqut héjo sedengkeun koncina tina emas beureum. Mun seug alam dunya katut saeusina di simpen di luhureun imah gedong éta, maka bakal katingali lir ibarat hiji manuk anu eunteup di luhur gunung atawa éta dunya téh lir ibarat hiji endog nu gogolétakan di saluhureun imah gedong éta ku sabab saking lega-legana.
Lajeng Kanjeng Nabi S.A.W. rarat-rérét nitenan ka sabudeureun eta tempat, bréh katingali ku anjeunna, dihandapeun éta gedong sigrong téh cur-cor cai opat walungan nu caina ngagolontor, persis sami sareng opat walungan nu tadi nu ku anjeunna ditaroskeun ka Malaikat Jibril A.S. saparantos Kanjeng Nabi S.A.W. ningalian bari nitenan kaayaan sabudeureun gedong sigrong éta ti beh luar, lajeng anjeunna niat seja ngantunkeun éta patempatan, ngan teu kebat da aya salah saurang Malaikat nu ngawagel bari ka kuping nyauran:
“Ya Rasulullah ! hapunten sun ! saena teu kénging angkat heula ti ieu tempat ! margi salira kedah ngalebetan heula eta gedong, supados patarosan salira ka Malikat Jibril janten kawaler !”
“Kumaha kami asupna, sedengkeun ieu gedong téh apanan dikonci pageuh“ Dawuh Rasulullah S.A.W.
“Apan koncina aya di salira .. ! “ Jawab Malikat nu tadi miwarang lebet ka Rasulullah S.A.W.
“Naon kitu koncina ..?” Dawuh Rasulullah S.A.W.
“Mangga prak aos ku salira kalimah “Bismillaahirrahmaanirrahiim”..insyaalloh kalayan idzin Manten-Na bakal muka éta lawang panto gedong téh ! “ jawab éta Malaikat deui.
Diwartosan kitu, lajeng Kanjeng Nabi S.A.W. ngaos kalimah “Bismillaahirrahmaanirrahiim” leres baé kalayan idzin Allah éta lawang panto gedong téh dadak sakala langsung muka nyalira tanpa kudu dibukakeun ku panangan Kanjeng Nabi S.A.W. saparantosna muka kitu mah, atuh lajeng bae Kanjeng Nabi S.A.W. teh lebet ka éta gedong, barang tos di lebet Kanjeng Nabi S.A.W. ningali opat juru éta gedong téh nu ngagolontorkeun cai nu brasna kai walungan-walungan nu persis sami sapertos nu ditaroskeun ka Malaikat Jibril A.S. téa.
Nya saparantos réngsé ningalian lebetan éta gedong mah lajeng Kanjeng Nabi S.A.W. seja kaluar ti éta gedong da asa tos kawaler naon anu janten kapanasaran teh, ngan teu kebat deui bae, da malaikat nu tadi miwarang lebet téh ngawagel deui, bari teras eta malaikat teh nuduhkeun hiji perkara nu teu acan katiténan ku Kanjeng Nabi S.A.W. salian ti antara opat juru éta gedong. Teras Kanjeng Nabi S.A.W. ningali nu dituduhkeun ku Malaikat, breh katingali ku Kanjeng Nabi S.A.W. geuningan dina tiap-tiap éta juru gedong nu mangrupakeun sumber kokocoran cai opat walungan téa téh, dilihureunanana ngajeblag aya seratan kalimah ‘Bismillaahirrahmaanirrahiim’.
Katingali sumber walungan cai biasa ngocor tina huruf ‘Mim’-na lafadz ‘Bismi’ tina kalimah ‘Bismillahirrahmaanirrahiim’. Terus sumber walungan cai susu katingali ngocor tina huruf ‘Ha’-na lafadz Asma ‘Allah’ tina kalimah ‘Bismillahirrahmaanirrahiim’. Sedengkeun sumber walungan cai khomer katingali ngocor tina huruf ‘Mim’-na Lafadz ‘Arrahmaan’ tina kalimah ‘Bismillahirrahmaanirrahiim’. Sareng sumber walungan cai madu katingali ngocor tina huruf ‘Mim’-na lafadz ‘Arrahiim’ tina kalimah ‘Bismillahirrahmaanirrahiim’. Ku hal ieu pisan, maka patarosan Rasulullah S.A.W. ka Malaikat Jibril A.S. téh kawaler.
Réngsé Rasululullah S.A.W. ningalian lebetan éta gedong, kakuping Allah S.W.T. ngadawuh:
“Yeuh Muhammad ! Sing saha baé jalmana di antara umat anjeun nu ngalobakeun nyebut-nyebut Kami kalayan asma-asma ieu (Bismillahirrahmaanirraahiim) maka ku Kami bakal dibéré nginum tina opat cai walungan ieu”
Walloohu A’lam Bish-Showaab
(Dicutat tina kitab Misykatul Anwar).
Subang, 11052010.
Tidak ada komentar:
Posting Komentar