Ku: Wangsa Susena, S.Pd.I
Kacaritakeun aya hiji jalma karek mulang ti tanah suci, caritana hayang jadi haji mabrur, biasa anyar keneh mulang ti tanah suci mah cenah ceuk beja nu bisa dipercaya, enya ceuk nu geus arindit kaditu sok piarjeuneun nyaritakeun pangalamanana rarasaan asa diditu keneh, samodel cenah diditu mah mun seug datang waktu shubuh, para jama'ah teh jam hiji atawa jam dua peuting geus ti alabring arindit ka masjid, alesananana mah rupa-rupa aya nu sieun teu kabegan tempat da bubuhan memang umat muslim sadunya keur kumpul, aya oge nu geus jadi kabiasaan dilemburna jam hiji atawa jam dua janari teh geus indit ka masjid.
Tah samodel carita ieu nyaeta salah saurang jama'ah haji nu karek mulang, ti dituna mah manehna seja ngabiasakeun diri nungguan waktu sholat shubuh teh ti awal waktu. Demi kaayaan pilemburanana teh di lembur singkur jauh ka kota, ti imah manehna ka masjid teh rada anggang kudu ngaliwatan pakarangan kosong nu pinuh ku dapuran tangkal awi nu harieum pikakeueungeun ditambah tatangtakalan nu jarangkung badag. Kacaritakeun manehna geus aya dijero di masjid, langsung sholat dua roka'at da geus abdas di imah. tuluy wiridan, geus rada lila tuluy ngilikan jam nu naplok dina tembok katingali geus jam tilu, luak-lieuk katu kang acan aya bae nu jol datang. celetrek manehna teh ngahirupan sapeker ceg kana michrofhon .. terus .mere wawaran:
"Assalaaamu 'alaikum warohmatulloohi wa barokaatuh....htur uninga ka sadaya kaum muslimin wal muslimat...! peryogi ka uninga wireh ayeuna parantos tabuh 3 langkung 30 menit... mangga enggal tatan-tatan netepan shubuh... khusus kangge kaum pamegetna mangga urang sholat berjama'ah..... sakitu nu kapihatur hapunten tos kagareuwahkeun.... wassaalaamu 'alaikum warohmatulloohi wabarokaatuh.."
Geus nutup kitu mah...dituluykeun ku pupujian, nadzoman nu geus teu bireuk deui:
Hayu geura saradia,
meungpeung keur hirup di dunya,
amal keur sampeureun jaga,
di ahir moal sulaya
Horeng maot ngadodoho,
boro sok dipoho-poho,
datangna teu méré nyaho,
ngageretak taya témpo
Taya beurang taya peuting,
taya raja taya kuring,
dimana ajal geus sumping,
teu meunang témpo anaking
Jep ...jempe... tuluy luak lieuk-lieuk acan aya keneh bae nu datang, tuluy menhna teh wawaran deui:
"Mangga ....ka kaum pamegetna ...urang sholat shubuh berjama'ah...margi jam di masigit parantos tabuh 4 kirang lima belas menit...." Tuluy manehna teh ngahaleuang deui pupujian:
Horéng nyawa reujeung badan,
nu geus lila babarengan,
datang mangsa pipisahan,
paturay tineung amitan
Lain meureun lain sugan,
da ieu mah kanyataan,
kabéh pasti ngarandapan,
geuning awak urang pisan
Kagét reuwas mata mencrong,
rénghap ranjug menggah bengong,
napas ngangseg na genggerong,
nu deukeut geus katémbong
Horéng ieu téh sakarat,
dicabut ku malaikat,
nyawa ngangseg mapay urat,
teu aya daya keur lumpat
Jep jempe eureun... rada lila, tuluy manehna ningali deui kana jam, katingali geus nuduhkeun kana waktuna adzan shubuh, tuluy menhna adzan, nepi ka beres, beres adzan manehna luak-lieuk deui, angger bae euweuh nu datang. Tuluy sholat sunah Kobliyah shubuh. rengse sholat sunah tuluy wiridan. keur anteng wiridan ... ngadadak di luar kadenge seorna angin nu ngagelebug nebak kana tatangkalan,jeung dapuran tangkal awi nu aya di sabudeureun masigit, gebrug panto masigit teh nutup sorangan da kateumbag angin. jandela rereketan lir aya nu ngomekeun.
"Na kamarana ieu teh.........meni ku nemen nya ....sarare teh... duh na ...jadi kareueung kieu..." Ceuk manehna gegerendengan. tuluy ceg deui kana michrophone tuluy pupujian deui :
Ku rénghap nu panganggeusan,
pegat sakabéh harepan,
ngabengkang taya dayaan,
rék kumaha pangharepan
Boro mah keur suka bungah,
ngatur napsu seuri bungah,
béak témpo kudu pindah,
nyampeurkeun ka alam barjah
Geus waktu ninggalkeun lembur,
menuju ka alam kubur,
meunang ngali geus diukur,
mahi keur awak sakujur.
Rék naon anu dibawa,
duit naon anu dibawa,
meunang ngumpul-ngumpul téa,
bélaan nipu paséa.
Meunang tisuksruk tidungdung,
nu sok dipaké adigung,
kana solat matak liwung,
waktuna jakat mah embung
Ibadah katéler-télér,
nepi ka nyanghulu ngalér,
lapur badan engeus gémpor,
di tengah imah ngagolér
Ngajolopong diruruban,
diriung ditarungguan,
lagadar datang pasaran,
montong lila sosonoan.
Jep....jempe ..deui... kadenge seah angin nu ngagalebug beuki tarik..nambah rasa kakeueung...luak-lieuk ...angger bae euweuh nu datang..." Na ..kamarana atuh ieu teh.... diwawaran enggeus.... pupujian enggeus.... adzan enggeus... na acan bae aya nu daratang ieu teh.... kudu kumaha deui atuh... jeung ieu angin... kalah ka beuki tarik bae.. mingkin keueung bae... ieu teh..." Ceuk manehna rada ngutruk ...."Alah siah... mending komat... sugan daratang siah...!"... geus kitu mah.. ngong bae manehna teh komat. beres komat. Tuluy luak-lieuk deui angger bae acan aya nu datang.
"Alah..nemen-nemen teuing... ieu teh...can aya bae nu datang.. ah... mending balik kaya kieu mah....mending di imah ah... sholat shubuhna.... " Ngomong kituna teh bari gejlig bae balik teu tulus sholat shubuhna.
Caaag
Subang,07102010
Kacaritakeun aya hiji jalma karek mulang ti tanah suci, caritana hayang jadi haji mabrur, biasa anyar keneh mulang ti tanah suci mah cenah ceuk beja nu bisa dipercaya, enya ceuk nu geus arindit kaditu sok piarjeuneun nyaritakeun pangalamanana rarasaan asa diditu keneh, samodel cenah diditu mah mun seug datang waktu shubuh, para jama'ah teh jam hiji atawa jam dua peuting geus ti alabring arindit ka masjid, alesananana mah rupa-rupa aya nu sieun teu kabegan tempat da bubuhan memang umat muslim sadunya keur kumpul, aya oge nu geus jadi kabiasaan dilemburna jam hiji atawa jam dua janari teh geus indit ka masjid.
Tah samodel carita ieu nyaeta salah saurang jama'ah haji nu karek mulang, ti dituna mah manehna seja ngabiasakeun diri nungguan waktu sholat shubuh teh ti awal waktu. Demi kaayaan pilemburanana teh di lembur singkur jauh ka kota, ti imah manehna ka masjid teh rada anggang kudu ngaliwatan pakarangan kosong nu pinuh ku dapuran tangkal awi nu harieum pikakeueungeun ditambah tatangtakalan nu jarangkung badag. Kacaritakeun manehna geus aya dijero di masjid, langsung sholat dua roka'at da geus abdas di imah. tuluy wiridan, geus rada lila tuluy ngilikan jam nu naplok dina tembok katingali geus jam tilu, luak-lieuk katu kang acan aya bae nu jol datang. celetrek manehna teh ngahirupan sapeker ceg kana michrofhon .. terus .mere wawaran:
"Assalaaamu 'alaikum warohmatulloohi wa barokaatuh....htur uninga ka sadaya kaum muslimin wal muslimat...! peryogi ka uninga wireh ayeuna parantos tabuh 3 langkung 30 menit... mangga enggal tatan-tatan netepan shubuh... khusus kangge kaum pamegetna mangga urang sholat berjama'ah..... sakitu nu kapihatur hapunten tos kagareuwahkeun.... wassaalaamu 'alaikum warohmatulloohi wabarokaatuh.."
Geus nutup kitu mah...dituluykeun ku pupujian, nadzoman nu geus teu bireuk deui:
Hayu geura saradia,
meungpeung keur hirup di dunya,
amal keur sampeureun jaga,
di ahir moal sulaya
Horeng maot ngadodoho,
boro sok dipoho-poho,
datangna teu méré nyaho,
ngageretak taya témpo
Taya beurang taya peuting,
taya raja taya kuring,
dimana ajal geus sumping,
teu meunang témpo anaking
Jep ...jempe... tuluy luak lieuk-lieuk acan aya keneh bae nu datang, tuluy menhna teh wawaran deui:
"Mangga ....ka kaum pamegetna ...urang sholat shubuh berjama'ah...margi jam di masigit parantos tabuh 4 kirang lima belas menit...." Tuluy manehna teh ngahaleuang deui pupujian:
Horéng nyawa reujeung badan,
nu geus lila babarengan,
datang mangsa pipisahan,
paturay tineung amitan
Lain meureun lain sugan,
da ieu mah kanyataan,
kabéh pasti ngarandapan,
geuning awak urang pisan
Kagét reuwas mata mencrong,
rénghap ranjug menggah bengong,
napas ngangseg na genggerong,
nu deukeut geus katémbong
Horéng ieu téh sakarat,
dicabut ku malaikat,
nyawa ngangseg mapay urat,
teu aya daya keur lumpat
Jep jempe eureun... rada lila, tuluy manehna ningali deui kana jam, katingali geus nuduhkeun kana waktuna adzan shubuh, tuluy menhna adzan, nepi ka beres, beres adzan manehna luak-lieuk deui, angger bae euweuh nu datang. Tuluy sholat sunah Kobliyah shubuh. rengse sholat sunah tuluy wiridan. keur anteng wiridan ... ngadadak di luar kadenge seorna angin nu ngagelebug nebak kana tatangkalan,jeung dapuran tangkal awi nu aya di sabudeureun masigit, gebrug panto masigit teh nutup sorangan da kateumbag angin. jandela rereketan lir aya nu ngomekeun.
"Na kamarana ieu teh.........meni ku nemen nya ....sarare teh... duh na ...jadi kareueung kieu..." Ceuk manehna gegerendengan. tuluy ceg deui kana michrophone tuluy pupujian deui :
Ku rénghap nu panganggeusan,
pegat sakabéh harepan,
ngabengkang taya dayaan,
rék kumaha pangharepan
Boro mah keur suka bungah,
ngatur napsu seuri bungah,
béak témpo kudu pindah,
nyampeurkeun ka alam barjah
Geus waktu ninggalkeun lembur,
menuju ka alam kubur,
meunang ngali geus diukur,
mahi keur awak sakujur.
Rék naon anu dibawa,
duit naon anu dibawa,
meunang ngumpul-ngumpul téa,
bélaan nipu paséa.
Meunang tisuksruk tidungdung,
nu sok dipaké adigung,
kana solat matak liwung,
waktuna jakat mah embung
Ibadah katéler-télér,
nepi ka nyanghulu ngalér,
lapur badan engeus gémpor,
di tengah imah ngagolér
Ngajolopong diruruban,
diriung ditarungguan,
lagadar datang pasaran,
montong lila sosonoan.
Jep....jempe ..deui... kadenge seah angin nu ngagalebug beuki tarik..nambah rasa kakeueung...luak-lieuk ...angger bae euweuh nu datang..." Na ..kamarana atuh ieu teh.... diwawaran enggeus.... pupujian enggeus.... adzan enggeus... na acan bae aya nu daratang ieu teh.... kudu kumaha deui atuh... jeung ieu angin... kalah ka beuki tarik bae.. mingkin keueung bae... ieu teh..." Ceuk manehna rada ngutruk ...."Alah siah... mending komat... sugan daratang siah...!"... geus kitu mah.. ngong bae manehna teh komat. beres komat. Tuluy luak-lieuk deui angger bae acan aya nu datang.
"Alah..nemen-nemen teuing... ieu teh...can aya bae nu datang.. ah... mending balik kaya kieu mah....mending di imah ah... sholat shubuhna.... " Ngomong kituna teh bari gejlig bae balik teu tulus sholat shubuhna.
Caaag
Subang,07102010
Tidak ada komentar:
Posting Komentar