Nyingcet ...!

Ku : Wangsa Susena, S.Pd.I

Hujan teh Rohmat sareng berkah ti Allah S.W.T. sabab ku ayana hujan tutuwuhan jadi saleger, ku ayana hujan lahan tatanen jadi kacaian teu gararing, ku ayana hujan walungan jadi tambah loba caina, jeung sajabana. Ngan memang aya kalana hujan oge jadi hiji pepeling atau hukuman, pikeun kaum nu salawasna nukang nonggong ka Manten-Na sakumaha nu geus kaalaman ku kaumna Kanjeng Nabi Nuh A.S. nu harita meunang panyepret ti Allah S.W.T. ku hukuman banjir nu dilantarankeun hujan.

Aya dua jalma nu keur uplek ngobrol ngeunaan hujan, kadenge salah saurang nyarita:

"lain euy ! naon sababna Allah nurunkeun hujan...?"

"yeeh ..apan keur kama'muran jeung kasuburan alam...euy..." tembal nu saurang deui

"Heueuh eta mah paham ...kami oge ..." ceuk nu tadi nanya naon sababna hujan diturunkeun.

"Emang naon atuh ...nu jadi pasualan teh ?"....Ceuk nu saurang deui malik nanya

"Heueuh...kami mah heran ..da mun seug ditengetan mah, heueh mun hujan turun teh..apan muragna pras-pris hij-hiji jeung katingalina asa saeutik bari laleutik deuih da teu baradag ieuh maruragna teh....ngan ku sabab bareng muragna jadi siga nu badag tur asa dibahekeun ...." ceuk nu tadi nanya naon sababna hujn diturunkeun.

"Yeehhhhh....ari maneh !....nya lamun hujan turunna hiji-hiji mah....atuh urang geus teu perlu ngiuhan jeung teu perlu payung sagala rupa....geus bae lulumpatan ...."ceuk nu saurang deui

"lulumpatan kumaha ?" ceuk nu tadi nanya naon sababna hujn diturunkeun.

"Heueh ..lulumpatan...bari ..nyingcetan hujan......mun hujan turun ka beulah katuhu ...geuwat nyingcet ka kenca ..eit..siah teu beunang wew !....mun murag ka kenca...geuwat nyingcet ka katuhu...eit siah teu beunang....deui..wew....sok lah dijamin moal jibrug ." ceuk baturna ngajawab ..bari pepeta gulak-gilek....


"heueuh,,,da ngabodor...????????""

Caaag

Subang,16052010