Supa Tunggul

Ku: Wangsa Susena, S.Pd.I.

Kacaritakeun di hiji karajaan, aya hiji prajurit nu kapetik ati, ka gendam rasa, ka pentang asmara ku putri raja, ngan nu jadi pasualan teh asa pamohalan laksana. Da ngarumasakeun dirina teh asa jauh tanah ka langit, mun seug eta rasa dikedalkeun. jadi pamustungana mah ukur disidem bae dina hate. Ngan manehna teh teu beakkeun akal, pamikirna, kajeun ieu rasa teu bisa kedal, cita-cita teu laksana oge, nu penting mah kudu bisa ngadeukeutan sang Putri nu jadi implenganana kumaha bae carana.

Nya kacaturkeun dina hiji mangsa si eta prajurit teh boga karep hayang ngadeukeutan ka eta putri, ngan manehna baluweng kumaha carana eta rencana bisa kahontal laksana, leng...! bae manehna teh ngahuleng, teu lila manehna musam-mesem sorangan. nya geus kitu mah tuluy koloyong bae manehna teh indit bari susulumputan, demi nu di tujuna teh nyaeta taman kaputren, tuluy manehna sasalimpetan, kabeneran keur sepi taya jalma nu katingali. Geus ngarasa aman, manehna luak-lieuk neangan tempat nu merenah pikeun nyumput. tuluy gegerendengan nyarita:

"Sigana mah ieu tempat putri diuk...bener teu salah deui siah.. didieu dina batu lempar ieu..siah..!. ah aing rek nyumput gigireunana kabeneran eta geuning aya rungkun kembang..aing rek nymput dina jero eungkun eta kembang.."

Geus kitu mah eta prajurit teh, ngalaksanakeun rencanana, tuluy manehna teh bubulucun tataranjangan teu aya sacewir oge pakean nu nempel, rungkun kembang nu aya di sagigireun batu lempar nu disangka tempat diuk putri midang teh diguarkeun, ngan golepak bae manehna nangkarak bari tetep tataranjang, tuluy ngurugan maneh ku eta rungkun kembang nepi ka rapih.

Kocapkeun geus rada lila torojol teh putri asup ka taman kaputren diiringkeun ku para emban, bari saleuseurian sempal guyon, sang putri katingal siga nu bungah pada ngagonjak ku para emban, gek bae putri teh diuk dina batu lempar nu disangka tempat biasa midang putri ku prajurit tea. demi prajurit nu nyumput dina rungkun ningal kitu mah meni bungah da rencanana pasti bakal laksana. Kabeneran pisan sang putri teh kurah-koreh ka rungkun tempat prajurit nyumput tea, katingal sang putri teh ngaguar-guarkeun rungkun ku pananganna, gorehel teh aya nu ngacir, ngacung diga tunggul dahan warnana hideung sagede indung suku, ngan kukulapesan siga supa, warnana teh hideung, sang putri teh panasaran, tuluy dielus-elus ku panangana, dadak sakala eta tunggul nu sagede indung suku tadina teh ngagedean, tuluy putri teh ngageroan emban-embanna:

"Bibi..!...Bibi...! cing kadarieu sakedap...ieu aya supa.. warna na hideung, diome teh hirup... yap kadieu...bibi...ku araraneh teuing.."

Digeroan ku sang putri, nya para emban nu duaan teh nyalampeurkeun, tuluy unjukan:

"Aya aon ..nden.. kukupingan mendakan supa... cing ku ibi bade ditingali...." Ceuk salah saurang emban bari ningalian eta supa nu disaurkeun ku putri tea.

"Euleuh.... muhun geuningan nden ...aya supa... tapi ke..ke.. supa teh geuningan ku araneh kitu... boa-boa supa tunggul..?" walon emban nu hiji deui.

"Muhun bi...supa tunggul panginten...tapi ku araneh kieu.. di ome teh bet hirup..tuluy ngageungan..."ceuk putri

"Cing ..ku bibi urang ilikan". Ngomong kituna teh bari tuluy ditelek-telek bari dicecepeng eta supa tunggul teh, ngan ngagebeg si bibi teh, sabab eta tunggul teh bijil cai nu muncrat, nu ngeuna kana beungeut emban. "Kasebelan siah. supa teh.. kalah ka nyiduhan...di ala siah ..ku aing.. di pais"

"Ih....wios ..bi teu kenging di ala.. antep bae..ah .."ceuk sang putri ka emban nu diciduhan beungeutna ku supa.

Kacatur putri jeung para embanna teh ngantunkeun tea patamanan, kaayan geus sepi da bubuhan manjing kana wanci sareupna. demi si prajurit nu nyumput narungkun tuluy ngorejat hudang tina rungkun, bari tuluy neangan pakeanana nu disumputkeun dina rungkun nu aya di juru patamanan, rengse make pakean manehna gegerendengan nyarita:

"Alah... bagja kacida karasana ..rencana lancar laksana sapaneja... isuk aing kudu kadieu dieu ....ngan isuk mah kudu leuwih ati-ati sabab ..paur nu dewek dipais ku si emban"...

Kacatur isukna si eta prajurit geus ngarapihkeun maneh nyumput dina rungkun nu kamari deukeut batu lempar tempat putri midang. bari sarua siga kamari tataranjang, ngan aya bedana ayeuna mah, ngahaja nu dianggap supa tunggul ku sang putri jeung emban teh, ngahaja di acirkeun ka luhur siga curuk keur ngacung. geus rada lila nungguan putri teh teu tembong datang, geus karasa kesel, ngan teu lila kadenge sada sora nu leumpang ngadeukeutan, kadenge aya nu nyarita:

"Sok .! babad kabeh kembang jeung tangkal nu aya di ieu patamanan teh, urang ganti kabeh ku pepelakan kembang nu alanyar...."

Caaag !

Subang,17092010